QHA mereıtoıyna arnalǵan úzdik ǵylymı jumystardyń tusaýkeseri ótti (FOTO)
«Bul jyl saıası turǵydan da, tarıhı-ǵylymı turǵydan da mán-maǵynasy erekshe jyl boldy dep aıtsam artyq emes. Bıyl Qazaqstan halqy Assambleıasynyń jyly aıasynda úlken sharalar ótti. Bul sóz joq, eń aldymen Konstıtýtsııanyń 20 jyldyǵyna, Qazaq handyǵynyń 550 jyldyǵyna, Jeńistiń 70 jyldyǵyna saı keldi», - dedi otyrysty ashqan QHA Tóraǵasynyń orynbasary Eraly Toǵjanov. Sonymen qatar E.Toǵjanov óz sózinde aǵymdaǵy jyl Elbasynyń bes ınstıtýttyq reformasynyń aıasyndaǵy «100 naqty qadamdy» júzege asyryla bastaýymen erekshe ekendigin basa aıtty. «Máńgilik el» jalpyulttyq ıdeıasynyń kóterilgenine de biraz ýaqyt boldy. Ol da qazir eldiń arasynda, oblystyq jerlerde qarastyrylyp, talqylandy. Negizgi jobasynyń biri patrıottar forýmynda qaraldy. Naqty jergilikti jerlerden kelgen usynystar, osy jerdegi ǵalymdarymyz bergen usynystar qazir tarazyǵa salyp, erteń qaraýlaryńyzǵa usynatyn bolady», - dedi ol. Keńes barysynda QHA Medıatsııa ınstıtýtyn qalyptastyrý men damytý boıynsha ózekti máseleler qarastyrylyp, qazaqstandyq biregeılik pen qoǵamdyq kelisimdi nyǵaıtý jolyndaǵy QHA kafedralary jumystarynyń negizgi baǵyttary talqylandy. Shara sońynda QHA mereıtoıyna arnalǵan úzdik ǵylymı jumystardyń tusaýkeseri ótip, birqatar azamattar «Qazaqstan halqy Assambleıasyna 20 jyl» mereıtoılyq medalimen marapattaldy.
