QHA-men aradaǵy memorandým zertteýlerdi aımaqtyq deńgeıde júrgizýge kómektesedi - Erlan Qarın
«Memorandým naqty josparmen bekitilgen, sol jospar boıynsha biz QHA-men birlesken zertteýler júrgizip, birneshe mańyzdy ǵylymı-tájirıbelik konferentsııalar men dóńgelek ústelder, talqylaýlar uıymdastyramyz. Sonymen qatar, birqatar tematıkalyq jýrnaldar shyǵarý da josparlanyp otyr. Olar óz kezeginde bizdiń zertteýlerimizdi odan ári aımaqtyq deńgeılerde júrgizýge kómektesedi», dep atap ótti Qazaqstan Respýblıkasy Prezıdentiniń janyndaǵy Qazaqstandyq strategııalyq zertteýler ınstıtýtynyń dırektory Erlan Qarın. Óz kezeginde, QHA Tóraǵasynyń orynbasary - QR Prezıdenti Ákimshiliginiń QHA Hatshylyǵynyń jetekshisi Eraly Toǵjanov Qazaqstannyń qoǵamdyq kelisim modeli qalyptasyp, óziniń ómirsheńdigin dáleldegenin basa aıtty. «Qazaqstannyń qoǵamdyq kelisim modeli qalyptasty, ómirsheńdigin dáleldedi. Búginde ol kóptegen sheteldikterdiń qyzyǵýshylyǵyn týǵyzyp otyr. Bul model dúnıe júzinde «Nursultan Nazarbaevtyń qoǵamdyq kelisim modeli» degen atpen belgili. Sondyqtan, buny ary qaraı damytý da, el birligin nyǵaıtý da ári úlken, ári mańyzdy, bir jaǵynan názik te dúnıe. Bul baǵytta biz mindetti túrde ǵalymdarmen birge osy suraqty aqyldasyp otyrýymyz kerek. Árbir qadamymyzdy ǵylymı sarapshylardyń usynystaryna baılanysty qarap otyrýymyz qajet. Sondyqtan, taldaý arqyly, taldama arqyly, aqyldasý arqyly osyndaı suraqtardy sheshý joldaryn qarastyrýymyz kerek. Bul baǵytta, sóz joq, Strategııalyq ınstıtýttyń atqaryp otyrǵan jumysy óte mańyzdy. Búgingi qol qoıylǵan Memorandýmda osy máselelerdiń barlyǵy qamtyldy», - dedi ol.
