QHA men Adam quqyqtary jónindegi ýákil medıatsııany nyǵaıtýǵa kelisti
«QHA men ombýdsman mekemesi arasyndaǵy memorandýmdy bekitý qadamyn óte mańyzdy dep bilemin. Memleket basshysy óziniń baǵdarlamalyq qujattarynda barlyq jetistikterdiń negizi azamattyq beıbitbitshilik pen jalpyulttyq kelisim ekenin únemi aıtyp keledi. Atap aıtqanda, búgingi qol qoıylǵan qujat atqaralyp jatqan sharalarǵa sáıkes oryndalady. Halyqaralyq turǵydan alyp qarasaq, Qazaqstan halqy Assambleıasy biregeı qurylym bolyp otyr. Sondyqtan bul baǵytta qarym-qatynastar óte paıdaly bolady dep sanaımyn», - dedi Adam quqyqtary jónindegi ýákil Asqar Shákirov.
Óz kezeginde QHA Tóraǵasynyń orynbasary - hatshylyq meńgerýshisi Leonıd Prokopenko atalǵan memorandým elimizde medıatsııany damytý salasyna negizdelgenin naqtylady.
«Bul shara 7 tamyz ótip jatyr, ıaǵnı 2011 jyldyń osy mezgilinde «Medıatsııa týraly» Zań kúshine engen bolatyn. Bizdiń memorandým medıatsııa ınstıtýtyn ary qaraı damytýǵa baǵyttalǵan. Bul rette adam quqyqtaryn, qoǵamdyq kelisimdi qamtamasyz etýge, jalpyulttyq birlikti nyǵaıtýǵa arnalǵanyn erekshe atap ótkim keledi», - dedi L. Prokopenko.
