QHA memlekettiń senimdi tiregi - Evgenıı Bolgert
«2001 jyly Qazaqstan Táýelsizdiginiń 10 jyldyǵy taqyrybyna shyǵarma jazǵan bolatynmyn. Onda mektep túleginiń qarapaıym ǵana armany baıandalǵan edi. ıAǵnı adamdar bir-birine qurmetpen qaraıtyn, beıbitshilik jaılaǵan qýatty ári úlken memlekette ómir súrý jaıynda óz pikirimdi jazdym. Siz (Elbasy Nursultan Nazarbaev) Qazaqstan elordasy elimizdiń túkpir-túkpirinen jáne álemnen adamdar úshin tartylys núktesi bolýyn, al Qazaqstan halqy jyl saıyn óskenin armandaǵan edińiz. Men de osy baǵyttaǵy úrdisten tys qalmaı, ózimniń «shaǵyn assambleıamdy» qurdym. Grýzın ultynyń ókili bolyp sanalatyn ózimniń zaıybymdy jeti jyl buryn Kıev áýejaıynda kezdestirgen edim. Kóp keshiktirmeı, ony Qazaqstanǵa alyp keldim. Sol sátke deıin ol Qazaqstan jaıynda kóp bile bermeıtin. Al qazir bizdiń úsh balamyz bar. Nıno Qazaqstandy birden unatty, qazaqtyń ulttyq taǵamdaryn jaqsy kóredi», - dedi Evgenıı Bolgert.
Sonymen qatar ol 2012 jyly Elbasy etnomádenı birlestikter Qazaqstanǵa ınvestıtsııa tartýy kerektigin tapsyrǵanyn eske saldy.
«Qazaqstan nemisteri 20-dan astam ınnovatsııalyq tehnologııalardy alyp kelip, olar aýyl sharýashylyǵynda, qus ósirýde, et pen sút óńdeýde tabysty iske asyrylyp jatyr. Siz únemi etnomádenı birlestikter elder arasynda dostyqtyń kópiri bolýy kerektigin aıtyp keldińiz. Ol úshin jaqyn arada jańadan Qazaq-nemis ortalyǵy ashylady», - dedi E. Bolgert Elbasyna qarata aıtqan sózinde.
«Assambleıa men Qazaqstan nemisteri elimizdiń naǵyz patrıottary jáne memlekettiń senimdi tiregi ekenin senimmen aıta alamyn. Otany birdiń júregi bir, júregi birdiń tilegi bir!», - dedi ol.
