QHA memlekettik tildi jedeldetip oqytýdyń jańa ádisin ázirleý jóninde baspasóz máslıhatyn ótkizedi
Jańa ázirlemege álemniń 30 tilin biletin Reseıdiń belgili lıngvısti Dmıtrıı Petrovtyń tájirıbesin zertteý negiz bolǵan.
«Qazaqstan halqy Assambleıasynyń bastamasy boıynsha jumys toby quryldy. Onyń quramyna psıholıngvıst, álemge áıgili aýdarmashy-sınhronshy, tilderdi jedeldetip oqytýdyń biregeı ádisteriniń avtory - Dmıtrıı Petrov, Ál-Farabı atyndaǵy Qazaq Ulttyq ýnıversıteti lıngvıstıkalyq-ádistemelik ǴZI sektor meńgerýshisi, oqytýshy, zertteýshi, qazaq tilin oqytý baǵdarlamalaryn ázirleýshi - Quryshjanova Álııa Ábjanqyzy, memlekettik tildi jedeldetip oqý ádistemesiniń avtory, «Parasat jáne Dil» qoǵamdyq birlestiginiń dırektory - Mutanova Quralaı Ǵalıaqbarqyzy endi», - delingen habarlamada.
Etnıkalyq tegine qaramastan, Qazaqstannyń barlyq azamattarynyń memlekettik tildi meńgerýine jaǵdaı jasaý - Qazaqstan halqy Assambleıasynyń, Memleket basshysynyń QHA sessııalarynda bergen tapsyrmalary aıasynda atqaryp jatqan aýqymdy jumystarynyń bir bóligi. Osy strategııalyq mindetti oryndaý maqsatynda 2010 jyly QHA janynan «Tildaryn» tilderdi oqytý tehnologııalarynyń ádistemelik ortalyǵy quryldy.
Ortalyqtyń maqsaty -, qoldanystaǵy jáne jańadan ázirlenip jatqan oqytý badarlamalaryna, ádistemeleri men tilderdi oqytý quraldaryn saraptaý, eksperttik baǵalaý; halyqaralyq, respýblıkalyq, aımaqtyq ádistemelik semınarlar, biliktilikti arttyrý kýrstaryn, konferentsııalar, tilderdi ázirleý men oqytý jónindegi forýmdar ótkizý.
