QHA medıatsııa salasyn damytý úshin jastarmen birlesip jumys istemek
«Qazaqstan halqy Assambleıasy jastarmen jumys atqarý baǵytyna qanshalyqty zor kóńil bóletinin bilesizder. Bizde «Jańǵyrý joly» respýblıkalyq jastar qozǵalysy bar. Jastardyń atalmysh uıymynyń jumysy Qazaqstannyń barlyq óńirlerinde keńinen qanat jaıyp keledi. Elimizdegi iri JOO-lardyń bazalarynda Assambleıamyzdyń 40 kafedrasy men ortalyǵy ashyldy. Olardyń barlyǵy da jastarmen birlese jumystaryn jalǵastyryp jatyr. Biz búgin minekeı, JOO-larmen yntymaqtasý aıasyn odan ary keńeıtkeli otyrmyz. ıAǵnı, «Turan» ýnıversıtetimen kelisimge keldik. Men basqa salalarmen birge medıatsııa salasynda damytý turǵysynda da «Turan» ýnıversıtetimen birlese jumys atqaramyz degen senimdemin», - dedi memorandýmǵa qol qoıǵan Qazaqstan halqy Assambleıasy Tóraǵasynyń orynbasary Leonıd Prokopenko.
Aıta ketsek, Elordadaǵy QR Tuńǵysh Prezıdenti - Elbasy kitaphanasynda búgin QHA-nyń «Azamattardyń konstıtýtsııalyq quqyqtaryn qamtamasyz etýdegi medıatsııanyń róli» atty respýblıkalyq semınar-trenıng ótip jatyr. Shara barysynda Leonıd Prokopenko elimizdegi medıatsııa ınstıtýtyn damytý úshin Qazaqstan halqy Assambleıasy barlyq qoǵamdyq alańdaryn jumyldyratynyn málim etken edi.
