QHA qýatty ınstıtýtqa aınaldy — Memleket basshysy
ASTANA. KAZINFORM — Prezıdent Qasym-Jomart Toqaev Qazaqstan halqy Assambleıasynyń HHHІV sessııasynda Assambleıanyń barlyq belsendi azamattaryna alǵys bildirdi.
— Assambleıa qoǵamda kásibılik jáne eńbekqorlyq qundylyqtaryn dáripteýge belsene atsalysyp keledi. Aleksandr Papp Assambleıanyń Jumysshy mamandyqtary jylyn ótkizýge belsene kiriskenin atap ótti. Ótken jyly Eńbek kúninde Senat pen Máslıhat depýtattary Assambleıa múshelerimen birge elimizdiń iri kásiporyndaryna baryp, óndiris ardagerlerine qurmet kórsetti. Bul bastamany Eńbek kúnin atap ótýdiń jańa dástúri retinde bıyl da jalǵastyrýǵa bolady. Osylaısha, QHA búginde qoǵamdyq kelisimniń biregeı ınfraqurylymyn qalyptastyrǵan qýatty tarmaqtary bar ınstıtýtqa aınaldy. Jer júzinde mundaı biregeı uıym qura bilgen memleket kemde-kem. Assambleıanyń arqasynda elimizdegi barlyq etnostar Qazaqstandaǵy oń ózgeristerdiń bel ortasynda júr, — degen Memleket basshysy Georgıı Prokop, Vladımır Rozmetov, ıÝrıı Pıa, Ivan Saýer, Borıs Knıazev, Alına Soloveva, Vadım Basın, Aleksandr Hmelev, Gennadıı Zenchenko syndy tulǵalardy erekshe atap ótti.
Toqaev jalpyulttyq birlik pen tatýlyqty nyǵaıtý jolynda adal qyzmet etip júrgen Assambleıanyń barlyq belsendi azamattaryna alǵys aıtty.
— Men jalpyulttyq birlik pen tatýlyqty nyǵaıtý jolynda adal qyzmet etip júrgen Assambleıanyń barlyq belsendi azamattaryna shynaıy alǵysymdy aıtamyn. Týǵan jerge paıdamdy tıgizsem degen alǵaýsyz nıetti ómiriniń mánine aınaldyrǵan olar naǵyz otanshyldyq pen adal azamattyń úlgisin kórsetti. Assambleıa Tóraǵasynyń qoǵamdyq orynbasarlary retinde jyl boıy laıyqty eńbek etken Lýgmar Harkıevıch Býlarov pen ıÝrıı Germanovıch Shınge rızashylyǵymdy bildiremin. Assambleıa Tóraǵasynyń orynbasarlary bolyp jańadan taǵaıyndalǵan Dmıtrıı Valerevıch Ostankovıch pen Rasýl Sýrmalıevıch Ahmetov — qoǵam qurmetteıtin abyroıly azamattar. Olardyń bilimi men biligi Assambleıaǵa úlken paıdasyn tıgizedi dep senemin, — dedi Qasym-Jomart Toqaev.
Aıta keteıik, elordadaǵy Táýelsizdik saraıynda Memleket basshysy Qasym-Jomart Toqaevtyń qatysýymen Qazaqstan halqy Assambleıasynyń kezekti HHHІV sessııasy ótip jatyr. Keńeıtilgen otyrystyń kún tártibi — «Qazaqstan halqy Assambleıasynyń 30 jyldyǵy: qorytyndylar jáne bolashaq mindetter».
Buǵan deıin Prezıdent QHA-ny damytýdyń jańa tujyrymdamasyn ázirleýdi tapsyrdy.
Sonymen qatar Toqaev ótken jyly Assambleıa barlyq óńirde 15 myńnan astam is-shara uıymdastyrǵanyn atap ótti.