QHA qoǵamdaǵy turaqtylyqqa yqpal etip otyr - Muratáli Qalmuratov
Muratáli Qalmuratovtyń pikirinshe, Qazaqstan halqy Assambleıasy qoǵamda kelisim ornaýyna yqpal etip otyr.
«Dana halqymyz: «Baq baǵalaǵannyń basynda turady», deıdi. Biz osy qanatty sózdiń mánin tereń túsinýge mindettimiz. Qazir ashyq álemde ómir súrýdemiz. Aınalamyzda ne bolyp jatqanyn barshamyz bilip, kórip, oqyp otyrmyz. Qazir qoǵamdy túrli túsinigi bar azamattar kezdesedi. Bul demokratııalyq baǵytty ustanǵan memlekette oryn alatyn zańdylyq. Túptep kelgende Qazaqstan halqy Assambleıasy eń aldymen memlekettegi turaqtylyqqa yqpal etip otyr. Sol arqyly adamdar arasynda jyly qarym-qatynas ornyǵatynyn biz bilýmiz kerek»,- deıdi qalalyq Qazaqstan halqy Assambleıasy tóraǵasynyń orynbasary.
Muratáli Qalmuratov sondaı-aq, Tuńǵysh Prezıdentimizdiń bastamasy boıynsha júrgizilgen syndarly memlekettik saıasattyń arqasynda elimizde tatýlyq, túsinistik, kelisim syndy qundylyqtar ornaǵan.
«Biz osyny baǵalaýymyz kerek. Búginde bir-birimen ortaq til taba almaı, arazdasyp júrgen elder qanshama. Tipti, tili, dini, dili ortaq halyqtardyń arasynda da til tabysa almaı, qyrqysyp jatqandary bar ekenin kórip júrmiz. Al bizdiń baıtaq elimizdegi barlyq etnos ókilderi bir úıdiń balasyndaı bolyp, birlikti kózdiń qarashyǵyndaı saqtap, jańǵyrýǵa umtylyp kelemiz. Munyń barlyǵyn ərıne, Qazaqstanǵa tán qoǵamdyq kelisimniń jeńisi men jemisi dep bilemin. Assambleıanyń aldaǵy sessııasynda eldi jasampazdyqqa úndeıtin mejeli mindetter aıqyndalyp, jańarýdyń jańa baǵyt-baǵdary sóz bolady, degen oıdamyn. Qazaqstan halqy Assambleıasynyń Tóraǵasynyń paıymdy parasatpen júktegen tapsyrmalary qoǵam tarapynan árdaıym abyroımen oryndalatynyna senimdimin», - deıdi Muratáli Qalmuratov.
