QHA Keńesi: Elbasy Joldaýynda jańa jahandyq qaterlerge qarsy qoıylatyn strategııalardy aıqyndady
Búgin Qazaqstan halqy tarıhı oqıǵanyń - Qazaqstan Prezıdenti Nursultan Ábishuly Nazarbaevtyń «Qazaqstan jańa jahandyq ahýalda: ósim, reformalar, damý» atty Joldaýynyń kýágeri jáne qatysýshysy boldy.
Assambleıa jylynda jáne Qazaqstan Respýblıkasy Konstıtýtsııasynyń 20 jyldyǵynda jasalǵan bul Joldaý - jıyrmasynshy joldaý bolyp otyr.
Memleket basshysynyń Joldaýlary - bul Táýelsiz Qazaqstan tarıhynyń ótkelderi, Otanymyzdyń damýynyń jańa kezeńderin atap ótip jatqan Uly Dala eliniń birtutas halqynyń qıyndyqqa toly jeńisti joly.
Mereıtoılyq Joldaý - halyq pen eldiń eń basty, kókeıtesti jáne zárý máselelerine jaýap beretin, mańyzy jóninen teńdessiz qujat.
Memleket basshysy basty maqsatty aıqyndady - ol Otanymyz Qazaqstandy baqytty da órkendegen halqy bar Máńgilik elge aınaldyrý, álemniń eń damyǵan 30 memleketiniń qataryna kirý, baı da qýatty eldermen teńesý.
Qazaqstan jahandyq sharýashylyq baılanystaryna kirgen egemen ulttyq ekonomıka retinde, dúnıejúzilik ulttar otbasynyń tolyqqandy qatysýshysy bolǵan memleket retinde ornyqty. Biz búkil tarıhymyzda bolmaǵan tabysty ekonomıkalyq damý qarqynyna qol jetkizdik. Buryn eshqashan bizdiń halqymyz qazirgideı jaqsy ómir súrgen emes. Qazaqstandyqtar ómiriniń ortasha uzaqtyǵy 10 jyl ishinde 64-ten 72 jasqa jetti. 1300 densaýlyq saqtaý jáne 1700-den astam bilim nysandary salyndy.
Sonymen qatar Prezıdent N.Á.Nazarbaev: «Qazirgi kezde jańa múmkindikter men jańa qaterler ushtasqan shıelenisti de aýyr kezeń týyp otyr», - dep atap kórsetti. Bizdiń qol jetken tabystarymyzdyń synǵa túsetin ýaqyty jáne qazaqstandyq memlekettikti nyǵaıtatyn ýaqyt týyp otyr.
Memleket basshysy: «Bizdiń daǵdarystardy eńserý tájirıbemiz bar. Jańa jahandyq qaterlerlerge biz ózimizdiń naqty múmkindikterimizdiń negizinde tutas is-qımyl strategııasyn qarsy qoıýǵa tıistimiz», - dep atap aıtty.
Osynaý jaýapty kezeńde birlikti saqtaý qajet, «birimiz - bárimiz úshin, bárimiz - birimiz úshin» qaǵıdatyn ustana otyryp, el ıgiligine ter tóge eńbek etý kerek. Prezıdent daǵdarysty eńserý jónindegi tutas is-qımyl strategııasyn - Bes naqty is-sharadan quralǵan daǵdarysqa qarsy turý jáne aldyn alý strategııasyn aıqyndady.
Joldaýda ekonomıkalyq reformalar negizinde daǵdarys jaǵdaıyndaǵy ekonomıkalyq ósýdi qamtamasyz etýge baǵyttalǵan ekonomıka salasyndaǵy kezek kúttirmeıtin jáne pármendi qadamdar boıynsha asa anyq tapsyrmalar bar.
Reformalardyń mindetterine myna ózekti ınnovatsııalardy engizý kiredi - ulttyq valıýtanyń qubylmaly kýrsy, jańa ınvestıtsııalyq saıasat, aktıvterdi jarııa etý, bıýdjet saıasatyn ońtaılandyrý, jeke bastamashylyqty, erkin jáne durys básekelestikti damytý úshin jaǵdaı jasaý, eńbek ónimdiligin eki ese arttyrý.
El ekonomıkasynyń 5% deńgeıinde ósýin qamtamasyz etý, ekonomıkaǵa salynatyn ınvestıtsııanyń jyl saıynǵy kólemin 10 mlrd. dollardan artyq, jalpy 10 jyl ishinde 100 mlrd. dollardan kem emes kólemge arttyrý mindeti qoıyldy.
660 myńnan asa jumys oryndary ashylady, tegin kásibı tehnıkalyq bilim qamtamasyz etiledi.
Memleket basshysy bilim, densaýlyq saqtaý salalarynda jalaqyny kóbeıtýdi, zeınetaqy jınaqtaryn ındeksteýdi, sondaı-aq Jumyspen qamtýdyń jańa jol kartasyn ázirleýdi tapsyrdy.
Jurtshylyqtyń álsiz toptaryn qoldaýǵa baǵyttalǵan memlekettiń jańa áleýmettik saıasaty ázirlenetin bolady. Munyń bári Qazaqstannyń ár azamatynyń jáne barshanyń ekonomıkalyq áleýmettik jáne qoǵamdyq qaýipsizdigi úshin jasalady.
Memleket basshysy: «100 naqty qadam: barshaǵa arnalǵan qazirgi zamanǵy memleket» Ult josparyn 1990-shy jyldardaǵy Táýelsizdiktiń aıaǵynan turý kezeńindegi reformalarmen qatar qoıýǵa bolady», - dedi.
Joldaý bes ınstıtýtsıonaldyq reforma ıdeıasyn shyǵarmashylyqpen damytýdyń, «100 naqty qadam: barshaǵa arnalǵan qazirgi zamanǵy memleket» Ult josparynda kórsetilgen mindetterdi sheshýdiń naqty tetigi bolyp otyr.
Joldaý halqymyzdyń kóshbasshysy, Qazaqstan Prezıdenti, Elbasy Nursultan Ábishuly Nazarbaevtyń turaqty da gúldengen Qazaqstan qurýǵa, qýatty memleket, damyǵan ekonomıka jáne salıqaly áleýmettik saıasat negizinde Bolashaǵy birtutas ult qurýǵa baǵyttalǵan dáıekti saıası baǵdaryn tereń jáne obektıvti túrde kórsetedi.
Qazaqstan halqy Assambleıasy, biregeı eldiń barlyq azamattary Memleket basshysynyń jańa Joldaýyndaǵy mindetterdi tolyq qoldaıdy.
Biz Elbasy qoıǵan mindetterdi oryndaý úshin bul Joldaý - qýatty jumyldyrý kúshi, bastaý bolatynyna senimdimiz, atalmysh mindetterdiń shynaıylyǵyn jáne oryndalatynyn atap aıtamyz.
Qazaqstan halqy Assambleıasy Elbasy qoıǵan mindetter jalpyulttyq birliktiń jáne qoǵamdyq kelisimniń arqasynda Nursultan Nazarbaevtyń beıbitshilik jáne kelisim modeliniń arqasynda júzege asatynyn atap kórsetedi.
Qazaqstan halqy Assambleıasy Joldaý mindetteriniń barshamyzǵa jáne elimizdiń ár azamatyna qatysy bar ekendigine senimdi. Árqaısymyz bastamashyl, joǵary bilimdi jáne básekege qabiletti bolýǵa umtylýymyz kerek. Biz ár azamattyń jańa ekonomıkalyq mádenıetin, minez-qulyǵyn qalyptastyrýǵa tıispiz.
Biz búgingi Joldaýdyń mindetterin júzege asyrý - Qazaqstan damýynyń kólemdi ilgerileýi úshin múmkindik bolady dep senemiz.
Biz Joldaýdy oryndaý - bul Otanymyzdyń ár patrıotynyń azamattyq paryzy, jaýapkershiligi jáne ar-ojdany ekendigine senimdimiz.
Biz Qazaqstan halqyn Memleket basshysynyń Joldaýyndaǵy jańa kólemdi mindetterdi oryndaý úshin, bizdiń qasıetti Uly Dala Eli jerinde turaqty gúldengen Qazaqstandy - «Máńgilik eldi» qurý úshin birigýge shaqyramyz.
