QHA: Keler jyly biz elimizdi álemge tanytatyn EKSPO-2017 men Ýnıversıadany ótkizemiz
***
Qurmetti otandastar!
Qazaqstan halqy Assambleıasy Sizderdi jarqyn da qýanyshty mereke, ár otbasy jáne árqaısymyz asyǵa kútetin meıram - kele jatqan Jańa 2017 jylmen quttyqtaıdy.
Ótken jyl erekshe jyl boldy - biz Otanymyz, Qazaqstan Respýblıkasy Táýelsizdiginiń 25 jyldyq mereıtoıyn atap óttik.
Táýelsizdiktiń 25 jyly elimizdiń Tuńǵysh Prezıdenti - Elbasy Nursultan Ábishuly Nazarbaevtyń basshylyǵymen Qazaqstan úshin progress jáne turaqty damýdyń dáýirine, beıbitshilik pen kelisim qoǵamyn qalyptastyrýdyń aıshyqty úlgisine aınaldy.
Keler jyly biz Sizdermen birge elimiz ben halqymyz úshin asa mańyzdy - Ýnıversıada, EKSPO-2017, Astananyń 20 jyldyǵy sııaqty aýqymdy is-sharalardy ótkizetin bolamyz.
Osynyń bári bizdiń birtutas, yntymaǵy jarasqan jáne talantty halqymyzdy, Qazaq elin álemge tanytatyn bolady.
Qymbatty jerlester!
Jańa jyl - qashanda úkili úmitter janatyn, bıik maqsattar qoıylatyn mereke.
Keler jyldyń qandaı jyl bolatyny, qanshalyqty tabysty bolatyny bizdiń árqaısymyzǵa tikeleı baılanysty.
Sondyqtan da biz, Sizderdiń barshańyzǵa bilimderińiz, qabiletterińiz, kúsh-jigerlerińiz jańa jetistikterge jetkizsin, múmkindikterińiz mol, senimderińiz berik bolsyn dep tileımiz.
Jańa jylǵa qurǵan josparlaryńyz iske asyp, ár bastamalaryńyz sátti bolsyn.
Árdaıym jaqyndaryńyz aman, otbasylaryńyz berekeli bolsyn. Jańa jyl Sizderge shýaqty sezimder men baqytty sátter syılasyn, jarasymdy syılastyq, kelisti kelisim, berik birlik ómirlerińizdiń shyraıyn keltirip, mereılerińizdi asyrsyn.
Sizderge zor densaýlyq, yntymaq pen bereke, baqyt pen jasampazdyq tileımiz!
Qazaqstan halqy Assambleıasynyń Keńesi
