QHA Qazaqstannyń EQYU-ǵa tóraǵalyǵynda mańyzdy ról atqaratyndyǵyna senimdimin - Q. Saýdabaev
annyń 26-sy. QazAqparat /Ernur Aqanbaı/ - QR Memlekettik hatshysy - QR Syrtqy ister mınıstri Qanat Saýdabaev Qazaqstan halqy Assambleıasy elimizdiń 2010 jyly EQYU-ǵa tóraǵalyǵynda mańyzdy ról atqaratyndyǵyna senimdi.
Ol bul pikirin búgin Astanada ótip jatqan Assambleıa keńesiniń keńeıtilgen otyrysynda bildirdi, dep habarlaıdy QazAqparat.
«Aǵymdaǵy jyly Qazaqstan halqy Assambleıasy ınstıtýtsıonaldyq turǵydan aıtarlyqtaı nyǵaıdy. Onyń aqparattyq áleýeti birshama artty, memlekettik organdarmen ózara qarym-qatynasy keńeıdi. Etnomádenı birlestikter qazaqstandyq patrıotızmdi qalyptastyrý, memlekettik tilge qurmetpen qaraýǵa tárbıeleý, etnostardyń mádenıeti men salt-dástúrlerin damytý jáne Qazaqstan halqynyń birligin nyǵaıtýǵa baǵyttalǵan keshendi sharalardy júzege asyrdy», dedi májiliste Q. Saýdabaev.
Onyń pikirinshe, bul jumystar Qazaqstan etnostarynyń etnostyq, tildik jáne mádenı ereksheligin saqtaý úderisine qýatty serpin berdi. «Qazaqstan halqy Assambleıasynyń qyzmeti Qazaqstan halqynyń birligin qamtamasyz etý, olardy Ult kóshbasshysynyń mańaıyna uıystyrý syndy mańyzdy mindetterdi sheshýge baǵyttalǵan», dedi Q. Saýdabaev.
