QHA kafedralaryn qurýǵa 10 ýnıversıtet kelisimin berip otyr - A.Bashmakov

ASTANA. QazAqparat - Qazaqstan halqy Assambleıasynyń kafedralaryn qurýǵa 10 ýnıversıtet kelisimin berip otyr. Bul týraly búgin Astanada Ortalyq kommýnıkatsııalar qyzmetinde ótken brıfıngte QHA Tóraǵasynyń orynbasary Anatolıı Bashmakov málim etti.

«Aıta keteıin, qazirgi ýaqytta 10 ýnıversıtet QHA kafedralaryn qurýǵa nıet bildirip otyr. Bunyń aldynda Astanada L.N.Gýmılev atyndaǵy Eýrazııa ulttyq ýnıversıtetinde Toleranttylyq kafedrasy qurylǵan bolatyn. Sonymen qatar Kókshetaýda ashyldy. Endigi kezekte Qostanaı men Petropavlda ashý josparlanýda», - dep atap ótti ol.

Onyń sózine qaraǵanda, bolashaqta QHA kafedralarynyń qaýymdastyǵyn qurý kózdelýde.