QHA Hatshylyǵynyń meńgerýshisi EQYU ókilderimen kezdesti
A. Qańtardyń 19-y. QazAqparat. Qańtardyń 19-da Qazaqstan halqy Assambleıasy Hatshylyǵynyń meńgerýshisi Eraly Toǵjanovtyń EQYU janyndaǵy Az ulttar jónindegi Bas Komıssar (AUBK) Keńsesiniń ókilderimen kezdesýi ótti. Kezdesý Qazaqstannyń EQYU-ǵa tóraǵalyq etý kezeńindegi QHA jáne AUBK arasyndaǵy ózara jumystyń ulttyq kún tártibin talqylaýǵa arnaldy,
dep habarlady QHA Hatshylyǵynan.
EQYU delegatsııasynda AUBK aǵa saıası keńesshisi Sabına Mahl (Sabina Machl), saıası keńesshi Dmıtrıı Aleshkevıch (Dmitri Alechkevitch), joba úılestirýshisi Krıstıan Knýst (Christian Knust) bar.
Syndarly dıalog barysynda EQYU ókilderi Qazaqstannyń memlekettik organdary men etnomádenı birlestikter arasyndaǵy tıimdi ózara is-qımyl júıesin ornatý tájirıbesimen, memlekettik ulttyq saıasatty júzege asyrý tetikterimen tanysyp, qazirgi tańdaǵy Qazaqstan halqy Assambleıasynyń mindetteri men qyzmeti, onyń AUBK jáne EQYU ózge de qurylymdarymen ózara is-áreket etýi týraly sóz qozǵaldy.
Іs-shara nátıjesinde sheteldik delegatsııa ókilderi Qazaqstan halqy Assambleıasynyń eldegi etnosaralyq kelisimdi saqtaý baǵytyndaǵy mańyzdy rólin erekshe atap, elimizdiń EQYU-ǵa sátti tóraǵalyq etýine tózimdiliktiń qazaqstandyq úlgisi kepil bolady degen pikir bildirdi.
