QHA Ǵylymı-sarapshylyq keńesiniń 10 jyldyq jumysy qorytyndylandy
Forým QHA Ǵylymı-sarapshylyq keńesi 10 jyldyq jumysynyń qorytyndysyn, kópmádenıetti qoǵam, tatýlyq pen kelisimdi qamtamasyz etýdegi mádenıetaralyq dıalogty nyǵaıtý fenomenin, ǵylymı-sarapshylyq qaýymdastyqtyń áralýandyqtaǵy birlikti damytýǵa qosqan úlesin, etnosaralyq jáne mádenıetaralyq kommýnıkatsııalardy zertteý nátıjelerin talqylaý jáne oı bólisý maqsatynda uıymdastyrylǵan edi.
Forýmnyń ashylýynda Qazaqstan halqy Assambleıasy Tóraǵasynyń orynbasary – Hatshylyq meńgerýshisi J.Túımebaev QHA Ǵylymı-sarapshylyq keńesiniń múshelerin keńestiń qurylýynyń 10 jyldyǵymen quttyqtady.
«Bul belgili bir meje, ótken kezeńde atqarylǵan jumysty saralap, aldaǵy turǵan mindetterdi aıkyndaıtyn kezeń. Kópetnostyq qoǵamda bir shańyraqtyń astynda san alýan etnos pen konfessııa ókilderiniń basyn qosyp, beıbit ómir saltyn qurý – óte mańyzdy jáne jaýpkershiligi úlken maqsat. Osy maqsatty oryndaýda Qazaqstan halqy Assambleıasynyń jáne onyń ǵylymı-sarapshylyq keńesiniń orny erekshe», - dedi Janseıit Túımebaev.
Іs-sharaǵa Memlekettik basqarý akademııasynyń rektory E.Ábil, QR Prezıdenti janyndaǵy Qazaqstannyń strategııalyq zertteýler ınstıtýtynyń dırektory Z.Sháýkenova, QR Prezıdenti Muraǵatynyń dırektory D.Ábdiqadyrova, QR Parlamenti Májilisiniń depýtattary, dıplomatııalyq korpýs, QHA Ǵylymı-sarapshylyq keńesiniń, etnomádenı birlestikteriniń músheleri, halyqaralyq sarapshylar uıymdary men zertteý qurylymdarynyń ókilderi, elimizdiń jetekshi ınstıtýttarynyń ǵalymdary, memleket jáne qoǵam qaıratkerleri, memlekettik organdardyń, joǵarǵy oqý oryndarynyń, respýblıkalyq jastar birlestikteriniń ókilderi qatysty.
Іs-shara barysynda QHA Ǵylymı-sarapshylyq keńesiniń 10 jyldyǵyna arnalǵan mýltımedııalyq tanystyrylym jáne stendtik tanystyrylymdar, plenarlyq otyrys, paneldik sessııalar jáne ekskýrsııa uıymdastyryldy.
Shara sońynda etnosaralyq birlik pen qoǵamdyq kelisimdi qamtamasyz etýge úles qosqan ǵalymdar alǵys hattarmen marapattaldy.
