QHA etnomádenı birlestikteri elordada kontsert ótkizedi
Nur-Sultan qalasynyń turǵyndary men qonaqtary 16 etnomádenı birlestiktiń artısteriniń ónerin tamashalaıdy. Shara Nur-Sultan qalasy ákimdiginiń qoldaýymen uıymdastyrylady.
5 mamyr - 2 maýsym aralyǵynda Qazaqstan halqy Assambleıasynyń bastamasymen qalalyq saıabaqtarda Jastar jylyna oraılastyrylǵan kontsertter ótkizildi. Aldaǵy gala-kontsertte artısterdiń úzdik nomerleri kópshilik nazaryna usynylady. Sharaǵa «Tań» tatar-bashqurt mádenı ortalyǵy, «Radýga» orys ánderi ansambli, «Vaınah» sheshen-ıngýsh ujymy, «Vozrojdenıe» nemis qoǵamy, «Obereg» ýkraın qoǵamy, «Kolhetı»grýzınqoǵamdyq-mádenı ortalyǵy, «Jaıhýn» qaraqalpaq etnomádenı birlestigi, «Radıma» belarýs etnomádenı ortalyǵy, «Alef» evreı qoǵamy, Dala aımaǵy kazaktar odaǵynyń ókilderi, sondaı-aq, polıak, ózbek, qyrǵyz, uıǵyr, koreı jáne bashqurt etnomádenı birlestikteri atsalysady.
Aıta keteıik, shara halyqtardyń ana tilindegi shyǵarmashylyǵyn dáripteýge, elimizde turyp jatqan etnostardyń salt-dástúrlerine qurmet kórsetýge, sondaı-aq, Qazaqstan halqy Assambleıasynyń etnomádenı birlestikteriniń ujymdarynda jas talanttardy anyqtaýǵa baǵyttalǵan.
