QHA etnomádenı birlestikteri Arys turǵyndaryna kómek kórsetip jatyr
Shymkent qalasy men Túrkistan oblysyndaǵy Qazaqstan halqy Assambleıasy ókilderiniń kórsetken gýmanıtarlyq kómegi birshama aýqymdy. Naqtyraq aıtsaq, 24 maýsymda Arys qalasyndaǵy tótenshe jaǵdaılarǵa baılanysty Shymkent qalasynyń etnomádenı birlestikteri alǵashqylardyń biri bolyp kómekke kirisken. Atap aıtqanda, slavıan etnomádenı ortalyǵy turǵyndardy evakýatsııalaý úshin 5 avtobýs pen 2 júk kóligin jiberse, koreı etnomádenı birlestigi túske deıin bir gazel ishetin sý, tústen keıin 1 lıtrlik 3600 sý toly bótelke jibergen. Ózbek etnomádenı birlestigi 30 adamdy ýaqytsha baspanamen, azyq-túlikpen qamtamasyz etip, 150 adamǵa palaý daıyndady. Hamza atyndaǵy 53-shi mektepti azyq-túlikpen qamtamasyz etti. Birlestik tóraǵasy Zııabıddın Mırzaev 26 adamdy úıine qondyrdy.
Uıǵyr etnomádenı birlestigi Nursat shaǵyn aýdanyna evakýatsııalanǵan azamattarǵa 1000 gambýrger aparǵan. Túrik etnomádenı birlestigi bolsa tańerteń bir KAMAZ sý pen tamaq jóneltip, 52-shi mektepte ornalastyrylǵan halyqty tamaqtandyrǵan. 56-shy jáne 87-shi mekteptegi halyqqa kómek kórsetken. Shtabqa 30 qorap qııar aparyp bergen.
Tatar-bashqurt etnomádenı birlestigi shtabqa birshama azyq-túlik alyp kelse, QHA oblystyq keńestiń múshesi Á.Dosbolov 53-shi mekteptegi arystyq turǵyndarǵa 100-ta qorap jumyrtqa jetkizgen.
Qazaqstan halqy Assambleıasynyń oblystyq fılıaly halyqty evakýatsııalaý úshin avtobýs jóneltse, Tóle bı aýdandyq fılıalynyń jastary saǵat túngi on ekide assambleıanyń jastary 200 qorap nandy ortalyq meshitke joldady.
Al 25 maýsymda zardap shekken arystyqtarǵa sheshen-ıngýsh ortalyǵy sabyn, poroshok, tis pastalaryn, şetka aparyp berdi. Iran, tájik etnomádenı ortalyqtary da osyǵan uqsas kómek kórsetti.
Osylaısha, 25 maýsymda etnomádenı birlestikter kómek kórsetetin mektepterdi bólip alǵan:
«Dýstlık» ózbek qaýymdastyǵy 61,53,54-shi mektepterdegi halyqqa (600 adam) kómek kórsetedi. Osy mektepterde birlestik músheleri qarttarǵa arnalǵan 200 oryn men balalarǵa arnalǵan 200 oryn daıyndap qoıdy.
Túrik etnomádenı birlestigi 207 adam kóshirilgen 56 jáne 87-shi mektepterdegi halyqqa kómektesedi.
Uıǵyr ortalyǵy 227 adam evakýatsııalanǵan 26-shy mektepti óz mindetine aldy.
Gúrji etnomádenı birlestigi 1-shi mektep-ınternatyn qamtamasyz etedi (207 adam).
Ázerbaıjan ortalyǵy 50 adam evakýatsııalanǵan 60-shy mektepke jaǵdaı jasaıdy.
Kúrd oblystyq etnomádenı birlestigi evakýatsııalanǵan otbasylar úshin eki bólmeli úı daıyndap, tamaqtanýyn da mindetine aldy.
Qazaqstandaǵy Ózbekstan elshiligi myń adamǵa qaıyrymdylyq túski asyn daıyndady.
Oblystardan da kómek qolyn sozý týraly qoldaýlar kelip jatyr. Olardyń barlyǵy keshe «Arys, bir birgemiz» aktsııasy aıasynda ashylǵan shotqa aqshalaryn aýdara alady.
Eske sala ketsek, Arystaǵy jarylystan zardap shekkenderge kómek qolyn sozý maqsatynda elimizde keshe «Arys, biz birgemiz» aktsııasy bastaldy. Aktsııa aıasynda Mádenıet jáne sport mınıstrligi, Eńbek jáne halyqty áleýmettik qorǵaý mınıstrliginiń qyzmetkerleri bir kúndik jalaqysyn aýdarmaq. Osy bastamaǵa depýtattar da qosylǵan.
Aktsııa aıasynda Túrkistan oblysy Arys qalasyndaǵy oqıǵadan zardap shekkenderge járdem berý úshin Oblys ákimshiliginiń janynan ashylǵan «Túrkistan» korporatıvtik áleýmettik damý qoryna habarlasýyńyzǵa bolady.
«Túrkistan» korporatıvtik áleýmettik damý qory rekvızıtteri
Túrkistan oblysy
Túrkistan qalasy, Kyzylorda tas joly , 34 A ǵımaraty,
Poshta ındeksi 161200
BSN (BIN) 100440016000
«ForteBank» AQ Túrkistan qalasyndaǵy fılıaly
JSK (IIK) KZ7196528F0007014540
BSK (BIK) IRTYKZKA
Aıta keterligi, «Arys, biz birgemiz» aktsııasy aıasynda keshe Túrkistan oblysy men Shymkent qalasyndaǵy Qazaqstan halqy Assambleıasynyń ókilderi jarylys bolǵan Arys qalasynyń turǵyndaryna azyq-túlik jınap, qonatyn oryn daıyndaǵan bolatyn.
