QHA Elbasy Joldaýyna oraı úndeý qabyldady
***
Qurmetti otandastar!
Búgin Prezıdent Nursultan Ábishuly Nazarbaevtyń Qazaqstan halqyna asa mańyzdy Joldaýy jarııalandy.
Memleket basshysy kún tártibine Qazaqstannyń úshinshi jańǵyrýy jóninde mindet qoıdy. Maqsaty - eldiń jahandyq básekege qabilettilikti qamtamasyz etý, ekonomıkalyq ósimniń jańa modelin qurý.
Memleket basshysy, «bul jańǵyrý - qazirgi jahandyq syn-qaterlermen kúres jospary emes, «100 naqty qadam» Ult jospary negizinde «Qazaqstan-2050» strategııasynyń maqsattaryna, bolashaqqa bastaıtyn senimdi kópir» - dedi.
Prezıdenttiń Joldaýy Qazaqstannyń árbir azamatynyń ómir sapasyn arttyratyny sózsiz!
Prezıdent Úshinshi jańǵyrýdyń negizgi bes basymdyǵyn aıqyndap berdi - ekonomıkanyń jedeldetilgen tehnologııalyq jańǵyrýy; dástúrli bazalyq salalardy damytýǵa serpin berý; eńbek naryǵyn jańǵyrtý, makroekonomıkalyq turaqtylyq; adamı kapıtal sapasyn jaqsartý; ınstıtýtsıonaldyq ózgerister, qaýipsizdik jáne sybaılas jemqorlyqpen kúres.
Bul basymdyqtar ekonomıkanyń álemdik ósiminiń orta deńgeıden joǵary qarqynyn qamtamasyz etýge jáne 30 ozyq eldiń qataryna qaraı ilgerileýdi qamtamasyz etedi.
Bul maqsattarǵa jetý úshin «Qazaqstannyń ulttyq tehnologııalyq bastamasy» dep atalatyn 2025 jylǵa deıingi damýdyń strategııalyq aýqymdy jospary ázirlenedi.
Halyqtyń turmysyna «Tsıfrlyq Qazaqstan», IT-startaptardyń halyqaralyq tehnoparki sııaqty ınnovatsııalar qoldanysqa engiziledi.
Úkimettiń aldyna 2025 jylǵa qaraı shıkizattyq emes eksportty 2 esege ulǵaıtý mindeti qoıyldy.
Qazaqstannyń agroónerkásibi Eýrazııa kontınentiniń «nan kárzeńkesine» aınalady, 5 jyl ishinde 500 myńnan astam jeke úı sharýashylyqtary men shaǵyn fermerler kooperatıvterge biriktiriledi, sýarmaly egis alańdary 5 jyl ishinde 40%-ǵa artyp, 2 mıllıon gektarǵa jetedi.
Eńbek naryǵy jańǵyrtylyp, jumys kúshi artyq óńirlerden basqa jerlerge, sondaı-aq, aýyldardan qalalarǵa jumys kúshin utymdy tartýǵa qoldaý kórsetiledi.
Bıznes-ortany túbegeıli jaqsartý jáne keńeıtý júzege asyrylady, eldiń ishki jalpy ónimindegi shaǵyn jáne orta bıznestiń úlesi 2050 jylǵa qaraı kem degende 50% bolýy qamtamasyz etiledi, Nátıjeli jumyspen qamtý jáne jappaı kásipkerlikti damytý baǵdarlamasy iske asyrylady.
Memlekettiń ekonomıkadaǵy úlesi ishki jalpy ónimniń 15%-yna deıin, Ekonomıkalyq yntymaqtastyq jáne damý uıymy (EYDU) elderi deńgeıine deıin tómendetiledi, «Samuryq-Qazyna» holdıngin sapaly túrde transformatsııalaý isi júzege asyrylady, memleket-jekemenshik seriktestigi aıasyn keńeıtýge zor múmkindik beriledi.
Bilim berý adamı kapıtaldyń sapasyn jaqsartý aıasynda ekonomıkalyq ósýdiń jańa modeliniń ortalyq býynyna aınalady, «Barshaǵa arnalǵan tegin kásiptik-tehnıkalyq bilim berý» jobasy iske asyryla bastady.
Úsh tildi qoǵamnyń negizgi irgetasy retinde memlekettik tildi damytýǵa tyń serpin beriledi.
Áleýmettik qamsyzdandyrý salasynda 2,1 mıllıon zeınetker úshin zeınetaqy 20%-ǵa deıin, al 2018 jyldan bastap bazalyq zeınetaqy 1,8 esege artady, sondaı-aq bala týylǵanda beriletin bir rettik járdemaqy kólemi 20%-ǵa ósedi, eń tómengi kúnkóris shegi de qaıta qarastyrylady, densaýlyq saqtaýdyń jańa modeli engiziledi.
Qazaqstan halqynyń qaýipsizdigin qamtamasyz etý úshin, Dinı ekstremızm men terrorızmge qarsy áreket jónindegi 2017-2020 jyldarǵa arnalǵan jańa Memlekettik baǵdarlama daıyndalady, «Qazaqstan kıberqalqany» júıesi qalyptastyrylady.
Memleket basshysy Qazaqstannyń jas, kóp ultty, bolashaǵyna senimdi jáne qarqyndy damyp kele jatqan memleket ekenin, bizdiń basty kúshimiz - birlikte ekenin erekshe atap ótti!
Qazaqstan halqy Assambleıasy Qazaqstandy úshinshi jańǵyrtý ıdeıasyn tolyq qoldaıdy!
Biz únemi alǵa jyljı otyryp, uly maqsattardy iske asyra otyryp, Máńgilik Eldiń berik irgetasyn birge qalaımyz!
Bolashaǵy birtutas el - bizdiń maqsattarymyzdyń, qundylyqtarymyzdyń birligimen, qoǵamdyq kelisimniń kúshimen qalyptasady.
Qazaqstannyń úshinshi jańǵyrýy saıası konstıtýtsııalyq reformanyń qısyndy jalǵasy bolyp tabylady, eldi demokratııalandyrýdyń senimdi irgetasy, memlekettiń, qoǵamnyń, Qazaqstannyń kópultty halqynyń jahandyq tarıhı aýqymdaǵy ekonomıkalyq jáne saıası damýyn sınhrondaıdy.
Úshinshi jańǵyrý - Qazaqstan damýynyń aldyńǵy onjyldyqtarǵa arnalǵan baǵdarlamasy, bul qazaqstandyq biregeılik pen birlikti nyǵaıtý men damytýdyń ekonomıkalyq jáne áleýmettik algorıtmi.
Turaqtylyq, birlik jáne kelisim - Qazaqstannyń damýynyń negizi, Úshinshi jańǵyrýdyń negizi.
Qazaqstan halqy Assambleıasy Uly Dala Eliniń barsha halqyn Qazaqstannyń Úshinshi jańǵyrýynyń biryńǵaı áleýmettik draıveri bolýǵa shaqyrady.
Bizdiń ortaq jetistigimiz - ár azamattyń kúsh-jigerine, joǵary azamattyq boryshy men jaýapkershiligine baılanysty.
Biz, Qazaqstan halqyn, bizdiń birligimizdi, bizdiń ortaq azamattyq bastaýlarymyzdy jáne bizdiń asyl qasıetterimiz - jaýapkershilik, eńbekqorlyq, senim, ashyqtyq jáne óz kúshimizge degen senimdilikti nyǵaıtýǵa shaqyramyz.
Bizdiń balalarymyz úshin, birtutas bolashaǵymyz, halqymyzdyń ósip-órkendeýi men baqyty úshin qajetti Úshinshi jańǵyrtý baǵdarlamasynda árbir azamat óz ornyn tabatyny sózsiz.
Alǵa, Qazaqstan!
Qazaqstan halqy Assambleıasynyń Keńesi
2017 jylǵy 31 qańtar, Astana q.
