QHA bastamasyn qoldaý turaqtylyq pen elimizdiń áleýmettik-ekonomıkalyq damýynyń kepili bolady - Qazaqstan avtomobıl bıznesi qaýymdastyǵy

ASTANA. QazAqparat - Qazaqstan avtomobıl bıznesi qaýymdastyǵy Qazaqstan halqy Assambleıasynyń kezekten tys prezıdenttik saılaý ótkizý bastamasyna oraı qazaqstandyqtarǵa úndeý joldady. Úndeý mátinin búgin «Agromash» holdıngi saýda úıiniń dırektory Serik Ájimuratov jarııa etti.

«Qazaqstan avtomobıl bıznesi qaýymdastyǵy aǵymdaǵy jyly Prezıdent saılaýyn ótkizýdi qoldaıdy. Qaýymdastyǵymyzdyń qyzmeti Qazaqstandaǵy órkenıetti avtonaryqty qurýǵa jáne avtoónerkásiptik salany damytýǵa baǵyttalǵan. Búgingi kúni avtomobıl salasy qalyptastyryldy jáne damýdyń jańa kezeńine bastaý alýda.

Barlyq memlekettik baǵdarlamalar salanyń turaqty damýyna baǵyttalǵan. Bıznespen ózara tıimdi árekettestik deńgeıi qamtamasyz etiledi. Qazaqstan el Prezıdentiniń kóregen saıasatynyń arqasynda búgingi kúni barlyq álemdik qoǵamdastyqqa tanylyp, qysqa ýaqyt ishinde ekonomıkanyń kóshbasshysy bola alǵan demokratııalyq memleket boldy. Elbasynyń basshylyǵymen júrgizilgen tabysty áleýmettik-ekonomıkalyq reformalar elimizde birlikti, beıbitshilik pen kelisimdi jáne yntymaqtastyqty qamtamasyz etedi. Barlyq jeńisterimizdi, jetisterimizdi biz tek bir adammen, ıaǵnı, Qazaqstan Respýblıkasynyń Prezıdenti Nursultan Ábishuly Nazarbaevpen baılanystyramyz. Biz qazirgi ýaqytta barlyq jaýapkershilikpen Qazaqstan halqy ssambelıasynyń bastamasyn quptaıtyndyǵymyzǵa senim bildiremiz. Baryq qazaqstandyqtardy ózderiniń tarıhı tańdaýlaryn jasaýlaryna jáne bizdiń Prezıdenttiń aldyna qoıǵan maqsattaryna jetýine óz kúshterin jumyldyrýǵa, demek, álemniń eń damyǵan otyz eliniń qataryna qosylýǵa shaqyramyz. Qazaqstan halqy Assambleıasynyń bastamasyn jalpy qoǵamdyq qoldaý turaqtylyq pen elimizdiń odan arǵy áleýmettik-ekonomıkalyq damýynyń kepili bolatyndyǵyna senemiz», - delingen S.Ájimuratov jarııa etken úndeýde.