QHA bastamasyn qazaqstandyqtar ǵana emes, kórshiles memleketter de qoldaıdy - QHR memsyılyǵynyń laýreaty Ákbar Májıt

BEIJІŃ. QazAqparat - Qytaıdyń zııaly qaýymy Qazaqstan halqy Assambleıasynyń kezekten tys Prezıdent saılaýyn ótkizý bastamasyn qoldaıdy. Bul týraly tanymal jazýshy, Qytaı Halyqtyq saıası keńesiniń múshesi Ákbar Májıt aıtty.

«Qazaqstan - Ortalyq Azııanyń «altyn kópiri» ǵana emes, ol aımaqtaǵy turaqtylyq pen kelisimniń besigi. Sondyqtan, eldegi tynyshtyqtyń saqtalýy - qazaqstandyqtardyń basty qundylyǵy. Qazaqstan halqy Assambleıasynyń bastamasy der ýaqytynda kóterilip otyr. Meniń oıymsha, atalǵan sheshimdi qazaqstandyqtar ǵana emes, kórshiles memleketter de qoldaıdy», - dedi ol.

Jazýshy Qazaqstannyń Qytaımen ekonomıkalyq, saıası, mádenı-gýmanıtarlyq yntymaqtastyǵy óte belsendi damyp kele jatqanyn aıtty. Buǵan eki memleket kóshbasshylarynyń dostyǵy da septigin tıgizip otyr. Ákbar Májıt - QHR Jazýshylar odaǵynyń jáne 2014 jyldyń qyrkúıeginde Qazaqstanda qurylǵan Álem halyqtary jazýshylary odaǵynyń múshesi, Qytaı memlekettik syılyǵynyń laýreaty, QHR Jazýshylar odaǵynyń «Qytaı jazýshylary» jýrnalynyń bas redaktory. Qytaı tilinde jazady, 28 kitaptyń avtory, sonyń ishinde, ol Abaı shyǵarmalaryn aýdarǵan.