QHA atynan saılanatyn 9 kandıdattyń esimi anyqtaldy (FOTO)

ASTANA. QazAqparat - Búgin Qazaqstan Respýblıkasynyń Memlekettik hatshysy Gúlshara Əbdiqalyqovanyń tóraǵalyǵymen Qazaqstan halqy Assambleıasy Keńesiniń otyrysy ótti.

Keńes otyrysynda Qazaqstan halqy Assambleıasynyń «Úlken el -úlken otbasy» jalpyulttyq jobasy qaralyp, QR Parlamenti Məjilisiniń V shaqyrylymdaǵy QHA depýtattyq tobynyń qyzmeti qorytyndylandy.
Kún tərtibindegi basty məsele retinde Assambleıa saılaıtyn Qazaqstan Respýblıkasy Parlamenti Məjilisiniń depýtattattyǵyna kandıdattar usynyldy.
Jalpy, QHA atynan barlyǵy 12 adamnyń kandıdatýrasy usynyldy.
Sondaı-aq, keńes otyrysy kezinde taǵy 2 adamnyń kandıdatýrasy usynyldy. Biraq, keńes otyrysy kezinde 5 adam ərtúrli sebeptere baılanysty óz kandıdatýralaryn alyp tastaýdy ótindi. Olardyń ótinishin qabyldaǵan QHA keńesi Məjilis depýtattyǵyna Assambleıa saılaıtyn toǵyz adamnyń kandıdatýrasyn bekitti.
Olar:
1.V shaqyrylymdaǵy Parlament Məjilisiniń depýtaty Roman Kım
2.V shaqyrylymdaǵy Parlament Məjilisiniń depýtaty Ahmet Mýradov
3.V shaqyrylymdaǵy Parlament Məjilisiniń depýtaty ıÝrıı Tımoşenko
4. «Egemen Qazaqstan» respýblıkalyq gazeti» AQ prezıdenti Saýytbek Abdrahmanov
5. QR Іshki ister mınıstriniń orynbasary - Vladımır Bojko.
6.Qyzylorda qalasyndaǵy jasóspirimder men oqýshylar úıiniń dırektory, Qyzylorda oblysy analar keńesiniń tóraǵasy - Natalıa Jumadildaeva
7.Respýblıkalyq uıǵyr etnomədenı ortalyǵynyń tóraǵasy -Shaımardan Nurymov
8.Duńǵan etnomədenı ortalyǵy qaýymdastyǵynyń basqarma múshesi -Shakır Hahazov
9.Almatydaǵy armıan mədenı ortalyǵynyń tóraǵasy - Narıne Mıkaelıan.
Al Knıaz Mırzoev, Zııatdın Kasanov, Aleksandr Baron, Talǵat Mamashev, Pavel Feodorıdı óz kandıdatýrasynan bas tartty.
Eske sala keteıik, Qazaqstan halqy Assambleıasy 21 naýryz kúni kezekti sessııasyn ótkizip, osy adamdar arasynda 50 paıyzdan artyq daýys jınaǵan adamdardy depýtat etip saılaıdy.