«QHA 20 jyl: Bir el - bir taǵdyr» jınaǵynyń tanystyrylymy ótti

ASTANA. QazAqparat - Búgin elordada ótip jatqan Qazaqstan halqy Assambleıasynyń «Beıbitshilik pen kelisim mádenıeti» atty ІІ halyqaralyq medıaforým aıasynda «Kazahstanskaıa pravda» gazetiniń «QHA 20 jyl: Bir el - bir taǵdyr» atty jınaǵy tanystyryldy.

«Búgingi forým aıasynda taǵy bir shara ótpek. Bıylǵy jyl Assambleıanyń 20 jyldyǵy. Soǵan oraı kóptegen aqparat quraldary Assambleıanyń 20 jyldyǵyn halyqqa pash etýge ózderiniń úlesin qosyp jatyr. Solardyń biri - «Kazahstanskaıa pravda» gazeti», - dep atap ótti jınaqtyń tusaýkeserinde sóz sóılegen «Qoǵamdyq kelisim» RMK dırektorynyń orynbasary Ǵazız Telebaev. Óz kezeginde gazet bas redaktorynyń orynbasary Tatıana Kostına sóz sóılep, jınaq jaıynda tolyq maǵlumat berdi. «Bul bizdiń basylymnyń ekinshi kitaby. Birinshi jınaq Qazaqstan halqy Assambleıasynyń 15 jyldyq qyzmetine arnalǵan bolatyn. Al búgin tanystyrylyp otyrǵan basylymda QHA-nyń sońǵy 5 jyldaǵy jumysyna saraptama jasalǵan. Bizdiń kitabymyz 7 bólimnen turady», - dedi ol. T.Koskınanyń sózine qaraǵanda, atalǵan bólimderde QHA qyzmetine sholý jasalyp, basylymnyń Assambleıanyń sessııalaryna, Elbasynyń sóılegen sózderine qatysty maqalalary toptastyrylǵan.