«QHA-20 ıgi is» estafetasynyń sımvoly - Taıqazan Astanaǵa oralady

ASTANA. QazAqparat - Astana qalasynda «Máńgilik el: bir el - bir taǵdyr» taqyrybyn arqaý etken Qazaqstan halqy Assambleıasynyń XXII sessııasy ótedi. Oǵan 1500 astam adam qatysady, dep habarlaıdy astana.kz.

Al sáýirdiń 21 kúni elimizdiń barlyq óńirlerinde bolyp qaıtqan «Qazaqstan halqy Assambleıasy - 20 izgi is» estafetasynyń sımvoly - Taıqazan Astana qalasyna qaıta jetkiziledi. Aktsııa barysynda UOS ardagerleri men tyl eńbekkerleri, balalar úıiniń tárbıelenýshileri elimizdiń barlyq óńirlerinde boldy. OKQ ótken brıfıng barysynda QR Prezıdenti janyndaǵy «Qoǵamdyq kelisim» qorynyń dırektory Natalıa Kalashnıkova málim etkendeı, búgingi tańda «QHA - 20 izgi is» aktsııasy aıasynda 35 myńnan astam adamǵa kómek kórsetildi, 620 000 astam adam qatysqan 2 500-den artyq shara ótti. Aktsııa jyl sońyna deıin jalǵasady. - Sáýirdiń 21-i kúni taıqazan Qaraǵandy oblysynan Astanaǵa qaıtarylady. Ol Beıbitshilik jáne kelisim saraıyna ornalastyrylatyn bolady. Sol jerde QHA XXII sessııasyna qatysýshylar Qazaqstannyń ár óńirinde atqarylǵan izgi ister tizbegimen tanysa alady. Biz aldyn-ala qorytyndy shyǵaryp qoıdyq. Taıqazan 1652 eldi mekende boldy, ol jerlerde barlyǵy 2 514 shara ótkizildi. Bul ýaqyt aralyǵynda 2 mlrd teńgege túrli toptaǵy turǵyndarǵa kómek kórsetildi: balabaqshalar, sporttyq keshender ashyldy, ıaǵnı jańa jumys oryndary paıda boldy, páter kiltteri de tabystaldy, - dedi N.Kalashnıkova. Al naýryzdyń 23-i kúni elordalyq temirjol vokzalynan attanǵan «Meniń Qazaqstanym» poıyzy 22 sáýirde Astanaǵa qaıtyp oralady. Kásibı dárigerler, mádenıet qaıratkerleri men shyǵarmashylyq ujymdardan quralǵan ekıpaj elimizdegi qalalardy aralap, turǵyndarmen kezdesip, kontsertter qoıdy.