QHA-20 ıgi is: Almaty Taıqazan estafetasyn Jambyl oblysyna tapsyrady
Qazaqstan halqy Assambleıasynyń 20 jyldyǵyna oraı áleýmettik turǵydan mańyzdy jobalardy júzege asyrýdy kózdeıtin aktsııa bıylǵy jyly bastaldy. Birlik pen kelisimniń sımvolyna aınalǵan Taıqazan kóshirmesin Túrkistannan Astanaǵa aqpannyń basynda ákelingen bolatyn. Odan ári «Taıqazan» el oblystaryna óz sherýin bastady. Oǵan oryndalǵan jáne Assambleıa jyly mindetti iske asyrylatyn qaıyrymdylyq ıdeıalary, josparlary jazylǵan hattar salynady. Almatyda ótetin saltanatty sharada «20 ıgi is» teatrlandyrylǵan qoıylym, kitap ekspozıtsııasy, taqyryptyq foto-vıdeo qatar, etnıkalyq mádenıet qolóneriniń týyndylarynyń kórmesi ótedi dep josparlanýda. Sonymen qatar, UOS ardagerlerine syılyqtar tabys etilip, kópbalaly, áleýmettik turǵydan az qorǵalǵan otbasylarǵa, jetim balalarǵa áleýmettik kómek kórsetiledi. Merekelik sharaǵa QR Parlamenti Májilisiniń depýtattary, «Nur Otan» partııasy qalalyq fılıalynyń ókilderi, etnomádenı birlestikterdiń ókilderi, Almaty qalalyq QHA janyndaǵy analar keńesi, jastar uıymdary qatyspaq.
