QFF: Ulttyq quramanyń bas bapkeriniń taǵdyry jaqyn arada sheshiledi
ASTANA. QazAqparat - Qazaqstan ulttyq quramasynyń bas bapkeri Aleksandr Borodıýktiń óz ornynda qalatyny nemese qalmaıtyny jaqyn arada sheshiletin boldy, dep habarlaıdy «QazAqparat» HAA tilshisi Qazaqstan fýtbol federatsııasynyń resmı saıtyna silteme jasap.
Resmı saıtta berilgen málimet boıynsha, 8 qańtarda, ıaǵnı búgin Qazaqstan fýtbol federatsııasynyń keńsesinde federatsııa prezıdenti Seıildi Baıshaqovtyń tóraǵalyǵymen bapkerlik keńes ótken.
«Jıynda Qazaqstan ulttyq quramasynyń bas bapkeri Aleksandr Borodıýktiń jumys esebi tyńdaldy. Aleksandr Borodıýk ulttyq quramanyń ótkizgen matchtarynyń qanaǵattandyrmas nátıjeleriniń sebebin baıandady. Ol óz sózinde kúntizbeniń yńǵaısyz kestesine baılanysty resmı oıyndar úshin komandany qysqa ýaqytqa daıyndaýǵa keńes berdi», - delingen aqparat kózinde.
Sonymen birge, Aleksandr Genrıhovıch komandanyń sátsiz oıyndary úshin jaýapkershilikti óz moınyna alǵan.
«Ulttyq quramanyń qalatyny nemese qalmaıtyny týraly sońǵy sheshimdi QFF jýyq arada qabyldaıdy», - delingen QFF resmı saıtynda.
