QFF prezıdenti jankúıerlerdi Ulttyq qurama jeńisimen quttyqtady
ASTANA. QazAqparat - Fýtboldan Qazaqstan Ulttyq quramasy keshe Rıgada ótken 2016 jylǵy Eýropa chempıonatynyń irikteý týrnıriniń sońǵy oıynynda Latvııa quramasyn 1:0 esebimen utty. Osyǵan oraı, Qazaqstan fýtbol federatsııasynyń prezıdenti Erlan Qojaǵapanov fýtbol jankúıerlerin ulttyq qurama jeńisimen quttyqtady.
«Barlyq qazaqstandyq jankúıerlerdi, fýtbolshylardy, mamandardy, jattyqtyrýshylar men nómiri birinshi sportqa beı-jaı qaramaıtyn jandardy jeńispen quttyqtaımyn! Keshe Rıgada Qazaqstan Ulttyq quramasy 2016 jylǵy Eýropa chempıonatynyń irikteý týrnıriniń sońǵy oıynynda Latvııa quramasyn 1:0 esebimen utty. Eki komanda úshin de oıyn ońaı bolǵan joq. Alaıda, jeńiske degen qushtarlyq pen taktıkalyq saýattylyqtyń arqasynda bizdiń qurama jeńiske jetti.
Bul jeńisten keıin Qazaqstannyń ulttyq quramasy A tobynda Latvııany tómen syrǵytyp, 5-shi orynǵa turaqtady. Osylaısha, qazaqstandyq fýtbol úshin mańyzdy reıtıngtik upaıǵa qol jetti», - dedi QFF prezıdenti.
Sondaı-aq, federatsııa basshysy Elbasy Nursultan Ábishuly Nazarbaevtyń otandyq fýtbolǵa degen qoldaýy qazaqstandyq qurama úshin jeńiske jiger quıǵanyn da atap ótedi. «Ulttyq quramanyń negizin jas fýtbolshylardyń quraýy aldaǵy ýaqytta jetistikke jetýge úmit otyn jaǵady. Bul jeńis úlken jetistikterdiń bastaýy dep senemiz», - dedi ol.
