QFF quramaǵa sheteldik bapker shaqyrý týraly aqparatqa qatysty málimdeme jasady
ASTANA. KAZINFORM – Qazaqstan fýtbol federatsııasy ulttyq quramaǵa sheteldik maman aldyrý úshin kelissózder júrgizilip jatqany týraly aqparattyń shyndyqqa janaspaıtynyn aıtty. Bul týraly meta-ratings.kz saıty jazdy.
– Qazirgi ýaqytta Qazaqstan fýtbol federatsııasy sheteldik bapkerlermen eshqandaı kelissóz júrgizip jatqan joq, - dedi QFF bas hatshysy Davıd Lorııa.
Buǵan deıin buqaralyq aqparat quraldarynda Qazaqstan quramasyn sheteldik maman jattyqtyrýy múmkin degen málimet taraǵan edi. Yqtımal úmitkerler qatarynda Rýı Jorje, Krıs Koýlman jáne Mıhal Probejtiń esimderi ataldy.
Qazirgi tańda Qazaqstan quramasynyń bas bapkeri mindetin Talǵat Baısýfınov atqarady. Onyń jetekshiligimen komanda ÁCh-2026 irikteýiniń kúzgi tsıklinde Soltústik Makedonııa jáne Belgııa quramalarymen teń oınap, Lıhtenshteındi jeńgen bolatyn.
Eske sala ketsek, budan buryn Qaırat Nurdáýletovtiń «Jetisý» fýtbol klýbynyń bas bapkeri qyzmetine taǵaıyndalǵanyn jazǵan edik.