QFF Qazaqstan-Belgııa machtynyń nátıjelerine qatysty ÝEFO tóreshiler komıtetine resmı qarsylyq usynbaq
ALMATY. Qazannyń 11-i. QazAqparat - Qazaqstannyń fýtbol federatsııasy (QFF) Eýropa chempıonatynyń irikteý týrnıriniń Qazaqstan - Belgııa matchynyń nátıjeleri boıynsha ÝEFO tóreshiler komıtetine resmı qarsylyq usynbaq.
Ulttyq quramanyń jattyqtyrýshylar shtaby, QFF basshylyǵy, fýtbol arbıtrleri men ınspektorlarynyń departamenti qorytyndy matchtyń beınejazbasyn muqııat qarap shyǵyp, óz pikirlerin rastady - kezdesýdiń bas arbıtri Martsın Borskı (Polsha) eki ret óreskel qatelesti: 9-ynshy mınýtynda óziniń aıyp alańynda Belgııa quramasynyń qorǵaýshysynyń qolmen oınaǵanyn, jáne 68-inshi mınýtynda belgııalyq golkıperdiń qaqpasyna kirgizilgen «taza» goldy sanamaýy.
«Osy eki qatelik te qorytyndy nátıjege óz áserin tıgizdi. Biz match tóreligin aldyn ala kelisilgen, saýatsyz dep sanaı otyra, polshalyq arbıtrdi tórelik jasaý quqyǵynan aıyrýǵa qol jetkizbekpiz», - dedi QFF sheshimine túsinik bergen federatsııanyń halyqaralyq bóliminiń bastyǵy Qýanysh Qanapııanov.
