«KFC Rostıks» tamaqtandyrý jelisi óziniń «KFC» tolyq rebrendıngisin jarııalady
ATY. 14 jeltoqsan. QazAqparat /Erbol Turymbetov/ - Búgin Almatyda «Mega Alma-Ata» saýda ortalyǵyndaǵy «KFC» jedel tamaqtandyrý meıramhanasynda «KFC Rostıks» tamaqtandyrý jelisi óziniń tolyq «KFC» rebrendıngisine arnalǵan baspasóz-lanch ótkizdi.
Tamaqtandyrý jelisiniń rebrendıngisiniń alǵashqy qadamy 2007 jyly bastalǵan edi. Jeliniń Qazaqstan aýmaǵyndaǵy kommertsııalyq kontsessııasy «Americana Group» kompanııasy bolyp tabylady. Ol ýaqytta «Rostıks» ataýy «Rostıks KFS»-ke aýysa bataǵan-dy. Kompanııanyń Almaty qalasy boıynsha aımaqtyq menedjeri Roman Evchekonyń aıtýynsha, tamaqtandyrý jelisi halyqaralyq standarttarǵa saı. «KFC» ortalyqtary ashylǵan elder sany boıynsha álemde aldyńǵy orynda tur. Bizdiń endigi maqsatymyz Qazaqstan arqyly TMD aýmaǵynda jelini damytý», -dedi ol.
«KFC» jelisin 1930 jyly amerıkandyq polkovnık Harland Senderz qurǵan bolatyn. Taýyq etin qýyrýmen aınalysatyn jeliniń álemde 13 myńnan astam tamaqtandyrý ortalyqtary bar.
