KFC dámhanasynan 5 mln. teńge bopsalaǵan azamat keminde 7 jylǵa sottalýy yqtımal
ASTANA. QazAqparat - KFC dámhanasynan 5 mln. teńge bopsalaǵan azamat keminde 7 jylǵa sottalýy yqtımal. Bul týraly «Caspian International Restaurants sompany» kompanııasynyń sottaǵy múddesin qorǵap júrgen zańger Asqar Qaımaqov málim etti.
«Byltyr qazan aıynda belgisiz bireý «Caspian International Restaurants sompany» kompanııasynyń elektrondy poshtasyna anonımdik hat jibergen. Onda ol KFC brendine qatysty jaǵymsyz aqparatty taratpaý úshin 5 mln. teńge qarjy talap etken. Kompanııa atalǵan fakti boıynsha QR IIM-ne aryzdandy», - deıdi A. Qaımaqov.
Onyń sózine qaraǵanda, QR IIM Uıymdasqan qylmysqa qarsy kúres basqarmasy osy oıǵaǵa qatysy bar degen kúdikpen S esimdi azamatty ustady. Oǵan qatysty Qylmystyq Kodekstiń 181-baby 4-bólimi boıynsha aýyr qylmys jasady degen aıyppen qylmystyq is qozǵaldy», - dedi ol.
«Ol ınternette kompanııanyń atyna kir keltiretin, jaǵymsyz fotosýretter nemese ózge de sýretter jarııalaǵany dáleldengen joq. Tergeý bopsalaý boıynsha dálelderdi tolyq jınady jáne osy fakt boıynsha ǵana aıyp taǵyldy. Ol keıbir fotolardy qoldan jasap, oǵan 5 mln. teńge kóleminde tólemaqy suraǵan», - deıdi zańger.
A. Qaımaqovtyń sózine qaraǵanda bul qylmys túri aýyr qylmystarǵa jatady. «Ol buryn isti bolmaǵanyn jáne qoǵamda jaǵymdy kisi retinde kóringendikten, atalǵan bap boıynsha eń tómen sanktsııa 7 jylǵa deıin bas bostandyǵynan aıyrý bolyp tabylady», - dep atap ótti ol.
Aıta keteıik, qazirgi ýaqytta is Astanadaǵy aýdanaralyq mamandandyrylǵan sotynda qaralýda.
