Kezinde túrli sebeptermen berilmeı qalǵan KSRO-nyń áskerı tós belgileri ıelerin tapty
ALMATY. 12 mamyr. QazAqparat /Erbol Azanbek/ - Búgin Almatydaǵy «Nur Otan» HDP-nyń qalalyq fılıalynda Ardagerler men áskerı-patrıottyq birlestikterdiń kezekti otyrysy ótti.
Keńes 28 gvardııashy - panfılovshylar saıabaǵyndaǵy Máńgilik alaýǵa saltanatty gúl qoıý rásiminen bastaldy. Otyrys partııa fılıaly keńsesinde kezinde túrli sebeptermen berilmeı qalǵan KSRO-nyń áskerı tós belgilerin ıelerine saltanatty túrde tapsyrýymen jalǵasty. Túrli deńgeıdegi medaldar 9 adamǵa berildi. Keńes barysynda jastarǵa patrıottyq tárbıe berý, UOS jáne aýǵan soǵysy ardagerlerin, Chernobl apatyn aýyzdyqtaýǵa qatysýshylarǵa memlekettik deńgeıde qoldaý kórsetý týraly máseleler talqylandy. Jıynǵa partııa hatshysy Qaırat Satybaldyuly, UOS jáne aýǵan soǵysy ardagerleri, Chernobl apatyn aýyzdyqtaýǵa qatysýshylar, QR Qorǵanys mınıstrliginiń ókilderi qatysty.
