Kezekten tys saılaýǵa qarajat Úkimettiń rezervinen bólinýi múmkin

NUR-SULTAN. QazAqparat - Kezekten tys prezıdenttik saılaý óter bolsa qarajat Úkimettiń rezervinen bólinýi múmkin. Bul týraly búgin Úkimet otyrysynan keıin BAQ ókilderiniń saýalyna oraı QR Ulttyq ekonomıka mınıstri Rýslan Dálenov aıtty, dep habarlaıdy QazAqparat tilshisi.

«Jalpy, kezekten tys saılaýǵa qarajat aldyn ala bólinbeıdi. Kez kelgen jedel shyǵystarǵa qarastyrylǵan Úkimettiń rezervi bar. Kezekten tys saılaý ne bolmasa ózge de kezekten tys jáne tosyn shyǵystar týyndaıtyn bolsa, onda ol Úkimettiń rezervinen qarjylandyrylatyn bolady», - dedi Rýslan Dálenov.

Esterińizge sala ketsek, Memleket basshysy Qasym-Jomart Toqaev respýblıkalyq telearnalar arqyly Qazaqstan halqyna úndeý joldap,
elimizde kezekten tys prezıdenttik saılaýdyń 9 maýsymda ótetindigin málimdedi.