Kezekten tys saılaýǵa bólingen eki aı merzim saılaý sharalaryn atqarý úshin tolyq jetkilikti - Q.Turǵanqulov
ASTANA. 2 sáýir. QazAqparat /Aıdar Ospanalıev/ - QR Ortalyq saılaý komıssııasynyń tóraǵasy Qýandyq Turǵanqulov TMD elderi ortalyq saılaý komıssııalary basshylarymen kezdesip, áriptesterimen memleket basshysynyń kezekten tys saılaýyna ázirlik jóninde tájirıbemen bólisti.
OSK tóraǵasynyń sózine qaraǵanda, saılaý kúndelikti jospar boıynsha, ý-shýsyz turaqty ótip jatyr. Elde 9 myń 725 saılaý komıssııalary jumys isteýde. Saılaý komıssııalarynyń barlyǵy
7 adamnan qurylǵan. «Kásibı turǵyda tek Ortalyq saılaý komıssııasynyń ókilderi qyzmet etýde. Búginde OSK-nyń quramynda 41 adam bar. Al ózge saılaý komıssııalary qoǵamdyq negizde jumys isteýde. Olardyń barlyǵy da saılaýdy turaqty uıymdastyryp kele jatqan azamattar. Jalaqyny biz olarǵa saılaý naýqanynda atqarǵan jumystary úshin tóleımiz», - dedi OSK tóraǵasy.
Onyń aıtýynsha, kezekten tys saılaýǵa bólingen eki aı merzim, saılaý sharalaryn atqarý úshin tolyq jetkilikti ekendigin kórsetti. Qazirgi tańda saılaý komıssııalarynyń ókilderi tolyqtaı oqý sharalarymen qamtylyp, osy ýaqytta daýys berý ýchaskeleri saılaýǵa saqadaı-saı. «Sonymen qatar bıylǵy jolǵy saılaýda biz elektrondy daýys berý júıesin qoldanýdan bas tartyp otyrmyz», - dedi Q.Turǵanqulov.
