Kezekten tys saılaý týraly bastama halyqtyń qyzý qýattaýyna ıe boldy - Z.Shaýkenova
ASTANA. QazAqparat - Depýtattardyń óz-ózin taratý týraly úndeýi saıası turǵyda kemel sheshim boldy, dep esepteıdi QR Bilim jáne ǵylym mınıstrliginiń Fılosofııa jáne saıasattaný ınstıtýtynyń dırektory Zarema Shaýkenova.
«Depýtattardyń óz-ózin taratý týraly úndeýi, sózsiz saıası turǵyda kemel sheshim boldy. QR Prezıdenti Nursultan Nazarbaev qoǵamdyq kóńil kúıge, qoǵamdyq pikirge árdaıym erekshe nazar aýdarady. Depýtattar ózderiniń úndeýlerin jarııalaǵan aralyqta Elbasy N.Nazarbaev qoǵam pikirine júginip, barlyq kemshilikter men artyqshylyqtardy baǵamdap keldi. Ol kezekten tys saılaý týraly bastama halyqtyń qyzý qýattaýyna ıe bolǵandyǵyn kórdi», - dedi Z.Shaýkenova QR Prezıdenti janyndaǵy Ortalyq kommýnıkatsııalar qyzmetinde ótken baspasóz máslıhatynda.
Sarapshynyń pikirinshe, el táýelsizdiginiń barlyq jyldarynda saılaý qoǵam yqpaldastyǵynyń bir tetigi bolyp keldi.
«Osy joly da solaı bolatynyna senimdimin. Halyq óz birligin kórsetip, osy saılaýda jahandyq qaýip-qaterler kezeńin tıimdi eńserý jáne 5 ınstıtýtsıonaldy reformany sátti oryndaý úshin Parlamentke óziniń senim mandatyn beredi dep sanaımyn», - dedi ol.
