Kezekten tys saılaý ótkizý týraly Prezıdenttiń jarlyǵy ýaqyt talabynan týyndady - J. Ahmetbekov
ASTANA QazAqparat - Qazaqstan Kommýnıstik Halyq Partııasy Memleket basshysynyń Prezıdent saılaýyn 2015 jyldyń 26 sáýirinde ótkizý týraly sheshimin qoldaıdy. Bul jaıynda búgin partııa hatshysy Jambyl Ahmetbekov málimdedi.
«Memleket basshysynyń Prezıdenttiń kezekten tys saılaý ótkizý týraly jarlyǵy óte ózekti jáne ýaqyt talabynan týyndaǵan dep esepteımiz. QKHP bul sheshimdi tolyqtaı qoldaıdy. Elimizdegi eń mańyzdy saılaý naýqanyn aldyn ala ótkizip alǵan soń, Qazaqstan bar kúsh-jigerin áleýmettik-ekonomıkalyq saladaǵy túıindi máselelerdiń sheshilýine baǵyttaýǵa múmkindik alady», - dedi ol.
Aıta keteıik, QR Prezıdenttigine kandıdattardy tirkeý búgin bastaldy. Ortalyq saılaý komıssııasynyń otyrysynda saılaý qujattarynyń úlgileri men saılaýdy daıyndaý jáne ótkizý jónindegi negizgi is-sharanyń kúntizbelik jospary bekitildi. Atalǵan josparǵa sáıkes prezıdenttikke kandıdattardy usyný 26 aqpanda bastalyp, 15 naýryzda aıaqtalady. Kandıdattardy tirkeý merzimi aıaqtalǵannan keıin olardyń úgit naýqany bastalady. Ol 26 naýryzdan 24 sáýirge deıin júrgiziledi.
