Kezekten tys Prezıdenttik saılaýǵa qatysqysy keletin úmitkerlerdiń belsendiligi tómen emes - OSK hatshysy
ASTANA. 15 aqpan. QazAqparat /Aıdar Ospanalıev/ - Ortalyq saılaý komıssııasynyń hatshysy Baqyt Meldeshovtyń pikirinshe, kezekten tys Prezıdenttik saılaýǵa qatysqysy keletin úmitkerlerdiń belsendiligi tómen deýge bolmaıdy.
Bul pikirin ol búgin jýrnalıstermen bolǵan kezdesý barysynda bildirdi.
Onyń sózine qaraǵanda, 2005 jylǵy Prezıdent saılaýynda OSK-ǵa 20-ǵa jýyq úmitker ótinish bildirgen bolatyn. Al 2011 jylǵy kezekten tys saılaýǵa qatysýǵa nıet bildirgenderdiń sany qazirdiń ózinde 11 adamdy qurap otyr. Alda áli 1 apta ýaqyt bar. Osylardyń bárin eskere kelgende, saılaýǵa qatysýshylardyń belsendiligi tómen deýge kelmeıdi. «Bul rette, árıne, qandaı da bir baǵa berýdiń ózi qıyn. Qazirgi tańda saılaýǵa qatysý úshin OSK-ǵa ótinish bergen azamattardyń arasynda Prezıdenttikke kandıdat retinde tirkelý múmkindigi mol azamattardyń qatarynda osy ýaqytta qol jınaý jumystaryn bastap ketken Elbasy Nursultan Nazarbaev pen Sálim Ótendi jáne Musaǵalı Dýambekovty ataýǵa bolady,-dedi B.Meldeshov.
