Kezekten tys prezıdenttik saılaý ótkizý máselesin kóterip, Elbasy tyń joldy usynyp otyr - Q. Sultanov
ASTANA. 31 qańtar. QazAqparat /Qanat Mámetqazyuly/ - Kezekten tys prezıdenttik saılaý ótkizý máselesin kóterip, Elbasy tyń joldy usynyp otyr.
Búgin Aqordada QR Prezıdenti N. Nazarbaev Qazaqstan halqyna Úndeý jasaǵannan keıin, jýrnalısterge bergen suhbatynda Parlament Senatynyń depýtaty Qýanysh Sultanov osylaı málim etti.
«Prezıdent búgingi Úndeýde referendým máselesine qatysty 5 mln.-nan astam saılaýshylarǵa, ózine qoldaý bildirgen qazaqstandyqtarǵa rızashylyǵyn aıtty. Parlamentke de alǵysyn jetkizdi. Sonymen qatar, búgingi qadam Elbasynyń elimizdiń quqyqtyq keńistigin keńinen oılaıtyn tulǵa ekendigin tanytyp otyr. ıAǵnı, kez kelgen máseleniń Negizgi zańǵa sáıkestigin, soǵan óziniń qamqorlyǵyn kórsetý maqsatynda Prezıdent osyndaı sheshim qabyldady dep oılaımyn. Bul sheshimdi durys ári ádil sheshim dep bilemin. Óıtkeni, bul kez kelgen adam úshin de óz múmkindigin bildirý bolyp tabylady», - dedi senator Qýanysh Sultanov.
Sonymen qatar, senator Konstıtýtsııalyq keńestiń sheshimine toqtala kele, onda referendým ótkizýdiń múmkindigi joqqa shyǵarylmaǵandyǵyn aıtty. «Alaıda, Prezıdent mindetti túrde 2012 jylǵy saılaýdy nemese mindetti túrde qazirgi referendýmdy emes, óziniń tyń jolyn usyndy. Halyqtyń senimine kóz jetkize otyryp, Prezıdent 2 jyldyq merziminen buryn saılaýǵa baryp otyr. ıAǵnı, bunyń ózi bizdiń qoǵamdyq keńistikte Konstıtýtsııanyń, quqyqtyq keńistiktiń óz deńgeıinde ekendigin bildiredi», - dedi Q. Sultanov.
