Kezekten tys prezıdenttik saılaý el men halyq múddesine jaýap beretin asa mańyzdy sheshim - D. Nazarbaeva
ASTANA. QazAqparat - Búgin Májiliste Palata Tóraǵasynyń orynbasary, «Nur Otan» partııasy fraktsııasynyń basshysy Darıǵa Nazarbaevanyń jetekshiligimen parlamenttik fraktsııa jıyny bolyp ótti. Onda Qazaqstan halqy Assambleıasy Keńesiniń 2015 jyly elimizde kezekten tys prezıdenttik saılaý ótkizý týraly bastamasyna qoldaý bildirildi. Bul týraly Májilistiń baspasóz qyzmetinen habarlandy.
Jıyn barysynda Darıǵa Nazarbaeva Saıası Keńes pen partııa basshylyǵy tarapynan da prezıdenttik saılaý ótkizýge qatysty bastamaǵa qoldaý bildirgenin atap ótti. «Partııanyń basty resýrstarynyń biri retinde «Nur Otan» partııasynyń fraktsııasy barlyq qazaqstandyqtarǵa, qoǵamdyq uıymdar men el jastaryna osy bastamany qoldaýǵa shaqyrady.
Prezıdenttik saılaý ótkizý el men halyq múddesine jaýap beretin asa mańyzdy sheshim. Bul qadam Qazaqstannyń gúldenýi maqsatyna qol jetkizý úshin barsha qazaqstandyqtardyń jasampaz kúsh-jigerin biriktirýge múmkindik beredi. Búgingi tańda biz úshin memlekettiń, qoǵam men barsha azamattardy Elbasy Nursultan Nazarbaevtyń aınalasyna toptastyra jumyldyra otyryp, Birlik, Kelisim men Turaqtylyqty saqtaı bilý aýadaı qajet. Bul bizdiń burynǵydan da qýatty bolý múmkindigimizdi arttyrady, «Qazaqstan-2050» jáne «Máńgilik El» strategııasyn merziminen buryn oryndaýdy qamtamasyz etedi», - dedi D. Nazarbaeva.
Jıyn barysynda prezıdentik saılaý ıdeıasyna qoldaý bildirip «Nur Otan» partııasy Saıası Keńesi Bıýrosynyń múshesi Qýanysh Sultanov, fraktsııa músheleri V.Rogalev, O. Asanǵazy, «Halyq Qaharmany» B. Ertaevtar sóz sóıledi.
