Kezekten tys Prezıdent saılaýynda daýys bergen azamattarǵa syı-syıapattar kórsetilýi múmkin - OSK hatshysy
ANA. 1 sáýir. QazAqparat /Aıdar Ospanalıev/ - «Kezekten tys Prezıdent saılaýyna daýys berýge kelgen azamattarǵa aýmaqtyq saılaý komıssııalary tarapynan yntalandyrý syılyqtary berilýi múmkin.
Biraq bul tikeleı Ortalyq saılaý komıssııasynyń nusqaýymen júzege asyrylyp otyrǵan shara emes»,-deıdi Ortalyq saılaý komıssııasynyń hatshysy Baqyt Meldeshov búgin jýrnalısterge bergen suhbatynda.
Onyń sózine qaraǵanda, kezekten tys Prezıdent saılaýyna daýys berý kúni aýmaqtyq saılaý komıssııalarynyń ókilderi, saılaý ýchaskesine eń alǵash kelgen nemese Prezıdent saılaýynda alǵash ret daýys berip otyrǵan azamatqa degen sııaqty jetistikteri boıynsha túrli syı-syıapattar jasaýy múmkin. «Menińshe bul qoldaýǵa turarlyq shara. Árıne, syılyqtyń qandaı jáne qanshalyqty mólsherde bolatyny jergilikti atqarýshy organdardyń múmkindikterine baılanysty. Bul rette olarǵa belgili bir nusqaý joq. Syı-syııapattardy uıymdastyrmasa da bolady. Óıtkeni mundaı sharalar qarajatqa baılanysty másele. Degenmen syı-syıapat uıymdastyrý jaǵyn qolǵa alyp jatqan saılaý ýchaskeleriniń bar ekendigi ras»,-deıdi OSK hatshysy.
