Kezekten tys Prezıdent saılaýyna qatysýǵa ótinish bergen azamattar sany 20-ǵa jetti
ASTANA. 20 aqpan. QazAqparat /Aıdar Ospanalıev/ - 3 sáýirde ótetin kezekten tys Prezıdent saılaýyna taǵy bir azamat tirkeldi.
Bul týraly Búgin Ortalyq saılaý komıssııasynyń baspasóz qyzmetinen habarlandy.
Baspasóz qyzmetiniń málimetterine qaraǵanda, 1965 jyly týylǵan Qurmanǵazy Rahmetovty «Jeltoqsan» respýblıkalyq, halyqtyq-patrıottyq qozǵalysy» respýblıkalyq qoǵamdyq birlestigi usynyp otyr.
Búgin kezekten tys Prezıdent saılaýyna qatysý úshin ótinish berý merzimi aıaqtalady. Osy ýaqytta kelip túsken aqparattar boıynsha kezekten tys Prezıdent saılaýyna qatysý úshin Ortalyq saılaý komıssııasyna ótinish bergen azamattar sany 20-ǵa jetip otyr.
