Kezekten tys Prezıdent saılaýyna baqylaý úshin tirkelgen baıqaýshylardyń sany 156 adamdy qurady - OSK
ASTANA. 15 aqpan. QazAqparat /Aıdar Ospanalıev/ - Ortalyq saılaý komıssııasy 3 sáýirge taǵaıyndalǵan kezekten tys Prezıdent saılaýyn baqylaý maqsatynda elimizge kelgen shet memleketter men halyqaralyq uıymdardyń taǵy 61 baıqaýshysyn tirkedi.
Bul týraly búgin Ortalyq saılaý komıssııasynyń kezekti otyrysynda atalmysh komıssııa múshesi Tatıana Ohlapkova málim etti.
Onyń sózine qaraǵanda, Syrtqy ister mınıstrliginiń usynysymen tirkelgen baıqaýshylardyń 6-ýy Eýropadaǵy qaýipsizdik jáne yntymaqtastyq uıymy Demokratııalyq ınstıtýttar men adam quqyqtary jónindegi bıýrosynyń mıssııasynan, 25 baıqaýshy Táýelsiz memleketter dostastyǵy uıymynyń mıssııasynan, 3 baıqaýshy Shanhaı yntymaqtastyǵy uıymynyń mıssııasynan, 7 baıqaýshy halyqaralyq uıymdardan jáne 20 baıqaýshy shet memleketterden tirkeldi. Sóıtip kezekten tys Prezıdent saılaýyn baqylaý úshin tirkelgen baıqaýshylardyń sany - 156 adamdy qurap otyr.
