Kezekten tys Prezıdent saılaýyna 1 kún qaldy
ANA. 2 sáýir. QazAqparat /Aıdar Ospanalıev/ - Búgin túnde 3 sáýirge taǵaıyndalǵan kezekten tys Prezıdent saılaýyna qatysatyn kandıdattardyń úgit-nasıhat naýqany aıaqtaldy.
Búgin kandıdattarǵa da, olardy qoldaýshy azamattarǵa da qandaı da bir úgit jumystaryn júrgizýge tyıym salynady.
Al kezekten tys Prezıdent saılaýyna nebári 1 kún ǵana qaldy. Erteń tań ata saǵat 7.00-den bastap Qazaqstan azamattary ózderi qalaǵan kandıdatqa daýys bere bastaıdy. Ortalyq saılaý komıssııasynyń ókilderi eldegi barlyq saılaý ýchaskeleriniń daýys berý kúnine daıyn ekendigin málimdep otyr. Saılaý ýchaskeleri daýys berýge 1 saǵat qalǵan ýaqytta baıqaýshylardyń qatysýymen ashylady.
Ortalyq saılaý komıssııasy ókilderiniń málimetterinshe, eldegi saılaý ýchaskelerinde «daýys berýge alǵash kelgen azamatqa» degen sııaqty nátıjeler boıynsha arnaıy syılyqtar da berilýi múmkin. Alaıda bul shara Ortalyq aılaý komıssııasy ókilderiniń nusqaýymen emes, jergilikti atqarýshy organdardyń jáne saılaý komıssııalarynyń jeke bastamasymen qolǵa alynyp otyrǵan shara. Sondyqtan ár saılaý ýaskeleri mundaı sharalardy óz múmkindikterine, qarjylyq jaǵdaılaryna baılanysty júzege asyrady.
Al Ortalyq saılaý komıssııasynyń ókilderi búgin jýrnalıstermen birneshe brıfıng ótkizýdi josparlap otyr. Onyń barysynda úgit-nasıhat naýqanynyń qalaı ótkendigi jóninde jáne daýys berý kúnine daıyndyq sharalaryna baılanysty málimetter jarııalanýy yqtımal.
