Kezekten tys prezıdent saılaýyn ótkizý qoǵamdy aýqymdy maqsattarǵa jetý jolynda yntymaqqa shaqyra alady - Bas redaktorlar klýby
Úndeýdi búgin Bas redaktorlar klýbynyń prezıdenti Bıbigúl Jeksembaı jarııalady.
«Bas redaktorlar klýby qoǵamdyq birlestigi Qazaqstan medıa qaýymdastyǵy ókilderiniń atynan osy jyly Qazaqstan Respýblıkasy Prezıdentiniń kezekten tys saılaýyn ótkizý jónindegi usynysty qoldaıtyndyǵyn bildiredi. Bul bastama el múddesinen jáne halyqaralyq ekonomıkalyq jaǵdaıdyń turaqsyzdyǵynan týyndap otyr.
Prezıdent saılaýyn kezekten tys ótkizý qoǵamdy aýqymdy maqsattarǵa jetý jolynda yntymaqqa shaqyra alady dep senemiz.
Aldaǵy ýaqytta memlekettik apparat pen barsha qazaqstandyqardyń kúsh-jigeri ekonomıkadaǵy daǵdarys trendi saldaryn azaıtýǵa baǵyttalýy tıis.
Búgingi kúnde Qazaqstan áleýmettik-ekonomıkalyq damýdyń basty kórsetkishin, sonymen qatar elimizdiń birligi men gúldenýiniń beıbitshilik qorǵany ekenin kórsetip otyr. Osyǵan oraı, Qazaqstan halqy Assambleıasynyń kezekten tys Prezıdent saılaýyn ótkizýdi usynýy quptarlyq jaıt.
Elimizde medıa sala men azamattyq qoǵam ınstıýttary qarqyndy túrde damyp keledi. Olar ózderiniń jobalaryn qoǵamnyń ártúrli áleýmettik salalarynda tıimdi paıdalanýda. Damyǵan 30 eldiń qataryna kirý ıdeıasyn quptaý maqsatynda barlyq qazaqstandyqtardy, barlyq buqaralyq aqparat quraldaryn jáne úkimettik emes uıymdardy Qazaqstan halqy Assambleıasynyń usynysyn qoldaýǵa shaqyramyz», - delingen Bas redaktorlar klýby úndeýinde.
