Kezekten tys prezıdent saılaýyn baıqaıtyn sheteldik baıqaýshylar sany 630 adamǵa jetti

ASTANA. QazAqparat - Kezekten tys prezıdent saılaýyn baıqaıtyn sheteldik baıqaýshylar sany 630 adamǵa jetti. Bul týraly búgin QR Ortalyq saılaý komıssııasynyń múshesi Tatıana Ohlopkova málim etti.

«Búgingi tańda halyqaralyq uıymdar men shet memleketterden 496 baıqaýshy akkredıtteldi. QR Syrtqy ister mınıstrligi shet memleketterden 134 buqaralyq aqparat quralyn tirkedi. Osylaısha, qazirgi ýaqytta akkredıttelgen shet memleketterden, halyqaralyq uıymdardan jáne sheteldik buqaralyq aqparat quraldarynan 630 baıqaýshy bar», - dedi ol.

Sonymen qatar T.Ohlopkova EQYU/DIAQB men TMD baılaýshylar mıssııalary óz shtabtaryn ashqan sátten bastap belsendi jumystar júrgizip jatqanyn atap ótti.

«Qazirgi ýaqytta olar óńirlerde júr. Saılaýdy uıymdastyrýshylarmen, QR Prezıdenttigine kandıdattarmen, saılaý komıssııalarymen jáne aımaqtardaǵy buqaralyq aqparat quraldarymen kezdesýler ótkizýde», - dedi QR OSK múshesi.