Kezekten tys Prezıdent saılaýyn baqylaý jónindegi respýblıkalyq qoǵamdyq komıssııa jumysy qaıta jandandy

Jıyndy ashqan Qazaqstan azamattyq Alıansynyń prezıdenti Nurlan Erimbetov qoǵam qaıratkerlerin el úshin mańyzy bar, sheshýshi sátten tys qalmaýǵa shaqyra kelip, bul oraıda, kezekten tys Prezıdent saılaýyn baqylaý jónindegi Respýblıkalyq qoǵamdyq komıssııanyń jumysyn qaıta jandandyrý týraly sheshim qabyldanǵanyn jetkizdi. «Bul qurylym buǵan deıingi saılaý naýqandarynyń kezinde de óz jumysynyń tıimdiligin kórsetken bolatyn. Biz únemi saılaý naýqandaryna baılanysty ózimizdiń obektıvti baǵamyzdy berip kelemiz. Aldaǵy ýaqytta úmitkerlerdiń saılaýaldy shtabtarynyń, saılaý komıssııalarynyń jáne BAQ-tardyń tarapynan júrgiziletin úgit-nasıhat sharalary barysynda elimizdiń saılaý zańnamalarynyń saqtalýyna qoǵamdyq baqylaý jasaıtyn bolamyz. Qoǵamdyq baqylaý aıasyn keńeıtý, zańdy jáne transparentti saılaý ótkizý barysynda respýblıkalyq komıssııa birneshe baǵytta jumys júrgizetin bolady», - dedi N. Erimbetov. Onyń aıtýynsha, elimizdiń barlyq óńirinde qoǵamdyq komıssııanyń bólimshelerin qurý júzege asyrylyp, elektoraldy úderiske qatysatyn kandıdattar úshin barlyq múmkindik qamtamasyz etilmek. «Saılaý úderisterin buzýǵa baǵyttalǵan áreketterdiń betin qaıtaryp, olarǵa ýaqytyly toıtarys berý, ákimshilik resýrstyń jáne teris pıǵyldy pıardyń aldyn alý da bizdiń mindetimiz. Bılikpen, BAQ-pen, saıası partııalarmen jáne halyqaralyq mıssııalarmen tyǵyz qarym-qatynas jasaý úshin ashyq, qoǵamdyq únqatysý alańyn quratyn bolamyz. ıAǵnı, biz sizdermen árqashan da baılanystamyz», - dedi ol óziniń sózinde. «Astana Báıterek» áıelder klýbynyń tóraıymy Tamara Lavrınenko Qazaqstan azamattary eldegi barlyq saıası úderister men memleket damýynyń kýágeri bolyp otyrǵanyn aıtty. «Táýelsizdik alǵannan keıin elimiz kóp ózgeristi basynan keshti. Halqymyzdyń kúsh-jigeri men qajyr-qaıratynyń nátıjesinde kóp jetistikke jettik. Sol sebepti, elimizde kezekten tys Prezıdent saılaýyn ótkizýge barlyq jaǵdaı jasalǵan. Aldaǵy ýaqytta, Respýblıkalyq qoǵamdyq komıssııa osy saılaý naýqanyn baqylaýdy óziniń moınyna alyp qana qoımaı, onyń qorytyndysyn baıandaıtyn bolady», - dedi T. Lavrınenko. Belgili qoǵam qaıratkeri Ádil Ahmetov: «Qazaqstan basqa elderdegi saılaýlarǵa da qatysyp, bul salada baı tájirıbe jınaqtap úlgerdi. ıAǵnı, elimizdiń sheteldik tájirıbesi jetkilikti. Respýblıkalyq qoǵamdyq komıssııanyń negizgi maqsaty - saılaýdyń ádil, ashyq ótýin qamtamasyz etý. Bul komıssııa úgit-nasıhat jumystaryn júrgizbeıdi, kerisinshe, saılaý naýqanynyń basynan bastap ádil ótýine yqpal jasaıdy. Eger de, kemshilikter oryn alyp jatsa, solardy der kezinde aldyn alýǵa atsalysatyn bolady», - dedi. Qazaqstan halqy Assambleıasy janyndaǵy Zańgerler qaýymdastyǵynyń dırektory Patıma Matjanova Qazaqstanda táýelsizdik alǵan jyldardan beri birneshe saılaý naýqandary ótkenine, bul tıisinshe, osy saladaǵy tájirıbeniń jınaqtalýyna yqpal etkenine toqtalyp ótti. «Biz óz elimizdegi saılaý naýqandaryn ǵana emes, ózge elderdegi saılaýlardy da baqylaý kezinde kóp tájirıbe jınaqtadyq. Sondyqtan, Respýblıkalyq qoǵamdyq komıssııanyń quramynda bilikti azamattar shoǵyrlanǵan, dedi ol bul oraıda. Aqyn Nesipbek Aıtov óz oıyn bylaısha jetkizdi: «Biz elimiz úshin mańyzdy da, sheshýshi sátten tysqary qalmaýymyz kerek. Sondyqtan, kezekten tys Prezıdent saılaýynyń barysyn baqylaıtyn Respýblıkalyq qoǵamdyq komıssııanyń jumysyna qatysýǵa bel baılap otyrmyz. Biz osy saılaýdyń bastan-aıaq ashyq ótýin baqylap qana qoımaı, oǵan baǵa berýge mindettimiz. Úmitkerlerdiń saılaýaldy shtabtarynyń, saılaý komıssııalarynyń jáne BAQ-tyń tarapynan júrgiziletin úgit-nasıhat jumystarynyń zań talaptaryna saı ótýine de aıryqsha baqylaý jasalatyn bolady. Saılaýdyń ádil ótýine árbir Qazaqstan azamaty múddeli bolýy tıis». Qazaqstan halqy Asssambleıasy janyndaǵy Jýrnalıst-sarapshylar klýbynyń tóraǵasy Ǵadilbek Shalahmetov saılaýǵa halyqtyń meılinshe kóp bóliginiń kelýi el úshin óte mańyzdy ekenin jetkize kele, «Biz qazirgi tańda kúrdeli saıası kezeńdi bastan ótkerip otyrmyz. Oǵan kórshi memleketterde oryn alyp otyrǵan saıası jaǵdaılar da dálel bola alady. Qazir - óte jaýapty kezeń. Sondyqtan, bul saılaýǵa barlyq azamat saılaýǵa atsalysady dep oılaımyn. Al Respýblıkalyq qoǵamdyq komıssııa óńirlerde bolyp, saılaý naýqanynyń júrý barysyn jiti qadaǵalaıtyn bolady», dep óz oıyn túıindedi. Al Bas redaktorlar klýbynyń prezıdenti, «Jetinshi arna» dırektorlar keńesiniń tóraıymy Bıbigúl Jeksenbaı Qazaqstan Prezıdentin kezekten tys saılaý el úshin úlken syn saǵaty bolyp turǵanyn tilge tıek etti. Bul rette ol: «Bir jaǵynan, bul halqymyz úshin, memleketimiz úshin, jalpy, qoǵamdyq-ákimshilik ınstıtýttary men BAQ úshin jaýapty kezeń. Sondyqtan, buqaralyq aqparat quraldaryndaǵy áriptesterim de osy jaýapty kezeńnen abyroımen ótýi tıis. Árıne, ártúrli jaǵdaılar bolady. Keı kezde jeńil tabys qýyp, qara pıarǵa baratyn nemese reıtıng qýyp, teris aqparat beretin jaǵdaılar kezdesedi. Mine, osy turǵyda men óz áriptesterimdi ózderine júktelgen jaýapkershilikti sezinýge, saılaýdyń ashyq ári ádil ótýine barynsha jaǵdaı jasaýǵa shaqyramyn. Aldaǵy ýaqytta Respýblıkalyq qoǵamdyq komıssııa saılaýdyń ótýine baılanysty monıtorıng jasap otyrady» degen pikirin bildirdi.