Kezekten tys Prezıdent saılaýyn baqylaý úshin 386 baıqaýshy tirkeldi - OSK
ASTANA. 18 naýryz. QazAqparat /Aıdar Ospanalıev/ - Búgin Ortalyq saılaý komıssııasy 3 sáýirge taǵaıyndalǵan kezekten tys Prezıdent saılaýyn baqylaý úshin elimizge kelgen 229 baıqaýshyny tirkedi. Bul týraly Ortalyq saılaý komıssııasynyń kezekti májilisinde málim boldy.
Otyrysta atalmysh másele boıynsha baıandama jasaǵan Ortalyq saılaý komıssııasynyń múshesi Tatıana Ohlapkovanyń aıtýynsha, tirkelgen baıqaýshylardyń ishinde Eýropadaǵy qaýipsizdik jáne yntymaqtastyq uıymy Demokratııalyq ınstıtýttar jáne adam quqyqtary jónindegi bıýrosynyń ókilderi - 18, Táýelsiz memleketter dostastyǵy uıymy mıssııasynyń ókilderi - 191, shet memleketterden - 20 baıqaýshy, Túrkııa elinen - 12, Bosnııa men Gertsegovınadan -1, Lıtva elinen - 2, AQSh-tan 5 baıqaýshy tirkelgen. Sóıtip kezekten tys Prezıdent saılaýyn baıqaýǵa nıet bildirgen jáne tirkelgen baıqaýshylardyń jalpy sany - 386 adamdy qurady.
«Bulardyń barlyǵy da uzaqmerzimdi baıqaýshylar»,- dedi T.Ohlapkova.
