Kezekten tys Prezıdent saılaýy sııaqty mańyzdy naýqannan qalyń kópshiliktiń barynsha keńirek habardar bolǵany abzal - OSK múshesi
ASTANA. 30 naýryz. QazAqparat /Aıdar Ospanalıev/ - «3 sáýirge taǵaıyndalǵan kezekten tys Prezıdent saılaýy ótetin kún týraly, saılaýda daýys berý tártibi týraly qazir qansha aıtsaq ta artyq bolmaıdy.
Sebebi bul qalyń kópshilikti elimizdegi mańyzdy naýqannan barynsha keńirek habardar etýge yqpalyn tıgizedi» - deıdi Ortalyq saılaý komıssııasynyń múshesi Tatıana Ohlopkova. Bul týraly ol Qazaqparat tilshisine bergen suhbatynda málim etti.
OSK múshesiniń sózine qaraǵanda, Ortalyq saılaý komıssııasy 3 sáýirge taǵaıyndalǵan kezekten tys Prezıdent saılaýyna arnap 20-dan astam rolıkter men 800 bılbord daıyndady. «Daýys berý 3 sáýir kúni barlyq saılaý ýchaskelerinde tańǵy 7-00-den bastalyp, keshki 20-00-ge deıin jalǵasady. Baıqaýshylar úshin aıtarym, saılaý ýchaskeleri daýys berý sharasy bastalardan 1 saǵat buryn ashylady. ıAǵnı, ýchaskelik saılaý komıssııalarynyń esigi tańǵy 6-00-de ashylady. Onda ýchaskelik saılaý komıssııalarynyń ókilderi ózderi atqaratyn qyzmetterdi bólisedi. Sondaı-aq bıýlletender sany naqtylanyp, olar ýchaskelik saılaý komıssııalarynyń múshelerine taratylady. Daýys berý 20-00-de aıaqtalady. Degenmen tap osy 20-00-de ýchaskelik komıssııalarda júrgen azamattarǵa ýaqyttyń ótip ketkendigine qaramastan daýys berýge múmkindik jasalady. Azamattardyń saılaý ýchaskelerine keshikpegenderi abzal»,-dedi T.Ohlopkova.
