Kezekten tys Prezıdent saılaýy N.Nazarbaevtyń sózsiz jeńisimen aıaqtalady - qalalyq máslıhat depýtaty
ASTANA. 31 qańtar. QazAqparat /Marlan Jıembaı/ - Kezekten tys Prezıdent saılaýy N.Nazarbaevtyń sózsiz jeńisimen aıaqtalady.
Bul pikirdi búgin Aqordada Elbasy Nursultan Nazarbaev Qazaqstan halqyna Úndeý arnaǵannan keıin BAQ ókilderine suhbat bergen elordadaǵy №1 balalar aýrýhanasynyń bas dárigeri, qalalyq máslıhattyń depýtaty Nadejda Petýhova bildirdi.
«Búgin biz tamasha Prezıdentimizdiń barlyǵyna jáne onyń árqashanda da bıik turatyndyǵyna taǵy bir márte kýá boldyq. Elbasynyń referendým ótkizbeý týraly sheshim qabyldaýy elimizdiń Konstıtýtsııasy men zańdarynyń jumys isteýin qalaǵandyǵyna dálel bolady», - dedi ol.
Onyń pikirinshe, kezekten tys ótkiziletin saılaý N.Nazarbaevtyń jeńisimen aıaqtalady. Óıtkeni halyq Elbasyn qurmetteıdi ári árqashanda onyń qamqorlyǵyn sezinedi. Qazaqstan búkil álemge tanyldy jáne elimizdegi barlyq demokratııalyq qundylyqtar Memleket basshysynyń arqasynda júzege asyrylýda.
