Kezekten tys Prezıdent saılaýy bastamasy erteńin oılaǵan eldiń baıypty qadamy - QR Teatr qaıratkerleri odaǵy
ASTANA. QazAqparat - Búgin QR Teatr qaıratkerleri odaǵy Qazaqstan halqy Assambleıasynyń kezekten tys prezıdenttik saılaý ótkizý bastamasyna oraı úndeý jarııalady. Búgin atalǵan odaqtyń tóraǵasy Tuńǵyshbaı Jamanqulov úndeý mátinimen tanystyrdy.
«Qazaqstan Respýblıkasy Teatr qaıratkerleri odaǵynyń ujymy QR Prezıdentiniń kezekten tys saılaýyn ótkizý týraly bastamany qoldaıtynyn bildiredi. Búginde til, rýhanııat, dástúr, ulttyq qundylyqtar sııaqty babalardan mıras bolǵan muralardy damytýǵa baǵyt-baǵdar belgilengen. Asyl muratqa barar jolda «Máńgilik El» ulttyq ıdeıasy boı kóterdi. Ol Qazaqstan halqyn óziniń baı mádenı murasymen jáne shyǵarmashylyq áleýetimen álemniń eń damyǵan 30 eliniń qataryna kirý maqsatyna qol jetkizýge úndeıdi. Bul rette «Mádenı mura» memlekettik baǵdarlamasy óz jemisin berdi. Osy turǵyda odaq qaı kezde de elimizde sahnalyq ónerge qatysty salalardyń damýyna atsalysyp keledi. Qazirgi tańda óner salasy úlken dárejede damyp otyr. Sahna óneriniń damýyna, jalpy mádenıet salasynyń órkendeýine memleket tarabynan udaıy qoldaý kórsetilýde.
Sondyqtan Teatr qaıratkerleri odaǵynyń qoǵamdyq-shyǵarmashylyq ujymy halyqtyń yntymaǵy men birligi jarasqan elimizdiń rýhanı, mádenı qundylyqtaryn kózdiń qarashyǵyndaı saqtap qalýǵa barlyq kúsh-jigerlerin biriktirýi qajet. Álemde jahandyq qarjy-ekonomıkalyq turaqsyzdyq oryn alǵan jaǵdaıda eldiń tutastyǵy basty qaǵıdalardyń biri. Osy daǵdarystan súrinbeı ótý - bárimizdiń ortaq mindetimiz. Árıne, mundaı kúrdeli kezekterde kezekten tys Prezıdent saılaýyn ótkizý bastamasy ýaqyt talaby dep uǵamyz. Bul erteńin oılaǵan eldiń baıypty qadamy dep bilemiz. Osyǵan oraı Qazaqstan halqy Assambleıasy Keńesi músheleriniń QR Prezıdentiniń kezekten tys saılaýyn ótkizý bastamasyn barlyq óner adamdary atynan biraýyzdan qoldaýǵa shaqyramyz», - delingen úndeýde.
