Kezekten tys attestattaýdan ótken qarjy polıtsııasynyń 82 paıyzy atqaryp júrgen laýazymdaryna sáıkes dep baǵalandy
ASTANA. 28 jeltoqsan. QazAqparat - Kezekten tys attestattaýdan ótken qarjy polıtsııasynyń 82 paıyzy atqaryp júrgen laýazymdaryna sáıkes dep baǵalandy. Bul týraly búgin brıfıng barysynda QR Ekonomıkalyq qylmysqa jáne sybaılas jemqorlyqqa qarsy kúres agenttigi tóraǵasynyń birinshi orynbasary Andreı Lýkın málim etti.
«Kezekten tys attestattaýdan ótken qarjy polıtsııasynyń 3052 qyzmetkerinen 2508 qyzmetker nemese 82 paıyzy atqaryp júrgen laýazymdaryna sáıkes dep baǵalandy, olardyń 267-i nemese 11 paıyzy joǵary laýazymdarǵa taǵaıyndalýǵa laıyq dep tanyldy. Búgingi kúni kadrlyq rezervke engizilýge usynylǵan qyzmetkerlerdiń 134-i joǵary laýazymdarǵa taǵaıyndalyp úlgerdi», - dedi ol.
