Kezekten tys attestattaýdan ІІM-niń 92 qyzmetkeri ótti

Bul týraly búgin QR ІІM kadrlyq jumys basqarmasynyń basshysy, polıtsııa polkovnıgi Qýanysh Kúmisbekov málim etti.

Onyń sózine qaraǵanda, kezekten tys attestattaýdyń  birinshi kezeńi 28 mamyr men 1 maýsym aralyǵynda ótti. Onyń barysynda ishki ister organdarynyń 23 qyzmetkeri qamtyldy. 4-8 maýsym aralyǵynda bolǵan ekinshi kezeńde attestattaýdan ishki ister organdarynyń 69 qyzmetkeri ótti.

«Negizinen olar aýmaqtyq bólimshelerdiń basshylary, mınıstrdiń orynbasarlary, ІІM ortalyq apparatynyń basshylary, onyń ishinde komıtetter tóraǵalary men mınıstrlik departamentteriniń bastyqtary bar», - dedi Q. Kúmisbekov.

Onyń sózine qaraǵanda, 11-19 maýsym aralyǵynda attestattaýdyń úshinshi kezeńi ótedi.

Joǵary attestatsııalyq komıssııanyń attestattaýy aıaqtalǵannan keıin, ІІM-niń Ortalyq attestatsııalyq komıssııasy qurylady. Osydan soń aýmaqtyq ishki ister organdary jeke quramdarynyń attestatsııasy bastalmaq.

Jalpy, ishki ister organdary qatarynda kezekten tys attestattaýdan 74 myńnan astam qyzmetker ótýi tıis.